மேலே… அதுக்கும் மேலே…. அதுக்கும் மேலே…

ஹலோ!

என்னங்க! மார்க்கெட் “அதுக்கும் மேலே… அதுக்கும் மேலே”ன்னு சொல்லிக்கிட்டே இன்னமும் மேலே போய்க்கொண்டேயிருப்பதைப் பார்க்கும் போது, “அடடா! இது வரைக்கும் விட்டுட்டோமே! இப்பத்தான், இதுலத்தான், பக்கத்து வீட்டுக்காரன் சொத்தையெல்லாம் வித்தாவது நம்ம முதலீடு செஞ்சிட்டு, நிறைய (கொழுத்த) இலாபம் பார்க்கலாமே!”ன்னு நினைச்சிக்கிட்டிருக்கீங்களா? அப்படியே, நனைச்சிக் காய வையுங்க; ஷேர் மார்க்கெட்டுல இந்த மாதிரி சமயத்துலதான் புதுசா முதலீடு செய்ய வர்றவங்க வந்து மாட்டிக்கிட்டு, நீண்ட கால முதலீட்டாளர்களுக்கு தங்களது முதலீட்டினை இலாபமாகக் கொடுத்து விடுகிறார்கள்.

புரியலைங்களா? கீழேயிருக்கும் கேள்விக்கு உங்களின் பதில் என்ன? அதுவும் நீங்க இப்போதான் பங்குச்சந்தை முதலீட்டுக்குப் புதியவரென்றால், கண்டிப்பா இந்தக் கேள்விக்கு நீங்க பதில் சொல்லோணும்! சரியா?

இவ்ளோ நாள் (வருஷம்) ஏறாத பங்குச்சந்தையா இப்போது ஏற்றத்திலிருக்கின்றது?

“அச்சம் தவிர்! உச்சம் தொடு!” என்பது போல காளைகளின் ஆதிக்கம் இப்போது 8500-8600 புள்ளிகளில் நிஃப்டியினைக் கொண்டு சென்றுள்ளது. கீழேயிருக்கும் படத்தினைப் பாருங்கள்!

இத்தனை வருடங்களும் பங்குச்சந்தை உயிரோட்டமாக இருந்து கொண்டுதானிருந்திருக்கின்றது. (ஷ்…அப்பாடா! எப்படியோ இந்த ஒரு நீளமான வார்த்தையை எழுதி விட்டேன்) ஆனால், அது நமது கவனத்தினை ஈர்க்கவில்லையே! தற்போது நிஃப்டி 8600-ஐத் தொட்டுள்ள நிலையில்தான் நம்மில் பலரும் பங்குச்சந்தையினைப் பார்க்க ஆரம்பித்துள்ளோம். அதுவும், அக்கம் பக்கத்தினர் சொல்லக் கேட்டோ, அல்லது அலுவலக நண்பர்கள் சொல்லக் கேட்டோ, அதுவுமில்லாமல் வேறு வழிகளில் பார்த்தோ, கேட்டோ “எப்படியாவது இதிலே முதலீடு செய்யவேண்டும்; சீக்கிரமே லட்சாதிபதி, கோடீஸ்வரன் என்றெல்லாம் ஆகவேண்டும்” என்கின்ற எண்ணம் உங்களுக்கு வந்துள்ளதா? அதுவும் “கமாடிட்டி, கரன்சி (ஃபோரேக்ஸ் – Forex) மார்க்கெட்டில் அன்றாடம் ஒரு ஐந்நூறு அல்லது ஆயிரம் பார்க்க முடியுமாமே” என்று உங்கள் கைகள் நம,நமவென்று அரிக்கின்றனவா? “டிரேடிங்ல, அதுவும் ஆப்ஷன் டிரேடிங்ல கொஞ்சமா போட்டு, பெருசா பாக்கலாமாமே”ன்னு மனசு பட்டாம்பூச்சி மாதிரிப் பறந்துக்கிட்டேயிருக்கா?

அப்படின்னா….

அதுவும், புதுசா, நவீனமா, ஹாபி போல டிரேடிங் பண்ணலாமுன்னு ஐடியா உங்களுக்கிருக்குதா? அப்படியிருந்தா, இந்த மாதிரி எண்ணத்தையெல்லாம் தூக்கிப் போட்டுட்டு சும்மா, கம்னு இருங்க! ஆமாங்க! இது ரொம்ப ஆபத்தானது; அதனாலதான் சொல்றேன் “சும்மா, கம்னு இருங்க”!

சரி! வேற எப்படிங்க பங்குச்சந்தையில நான் “தொபூக்கடீர்”னு குதிக்கிறது?

பேஸ்ஸிவ் இன்வெஸ்டிங்க் ஸ்டைல் (Passive Investing Style)னு ஒண்ணு இருக்குதுங்க. அதுதாங்க நம்ம அப்பா, அம்மா போஸ்ட் ஆஃபிஸ்ல கட்டிட்டு வந்த ஆர் டி (RD) மாதிரி. அதாவது அதிகமா (ரூம் போட்டு) யோசிக்கத் தேவையில்லை; மாசம் பொறந்தா பணம் கட்டிடணும்.இதுக்கு இன்னொரு, நவீன காலப் பேருதான் SIP-எஸ் ஐ பி (சிஸ்டெமெடிக் இன்வெஸ்ட்மெண்ட் ப்ளான்)

அதே மாதிரிதான் மாசா, மாசம் நம்மால முடிஞ்சத குறிப்பிட்டா நல்ல கம்பெனிகளா வாங்கிப் போட்டுக்கிட்டேயிருக்கணும். இன்னைக்கு வாங்கிட்டு நாளைக்கே 30 – 40 பர்சண்ட் எதிர்பார்க்கக்கூடாது. அதுவும் சும்மா ஒரு வருசத்துக்கு, இரண்டு வருசத்துக்கு வாங்கிட்டு நிறுத்திடக்கூடாது.

“அப்படின்னா? எவ்ளோ நாளைக்கு வாங்கணும்? மூணு வருஷம்?”

“அதுக்கும் மேலே….!”

“அஞ்சு வருஷம்?”

“அதுக்கும் மேலே…..!

” பத்து வருஷம்? ”

அதுக்கும் மேலே….!”

பதினஞ்சி வருஷம்?

“ஆமாம்!”

ஓ மை காட்! பதினஞ்சி வருசத்துக்கு மாசா, மாசம் வாங்கணுமா?

ஆமாங்க! அதுதாங்க டிசிப்ளின்! அப்புறம் கம்பெனி தர்ற டிவிடெண்ட்டை வைத்தும் அப்படியே அதே பங்கினை வாங்கிக்கோணும்.

உதாரணம்

டி‌வி‌எஸ் மோட்டார் (இது முன்னர் டி‌வி‌எஸ்-சுஸுகி என்றிருந்தது)

*2000 ஜனவரியிலிருந்து ஒவ்வொரு மாதமும் ரூ.5,000/- (ரூபாய் ஐந்தாயிரம் மட்டும்) -திற்கு வாங்கினால் எப்படியிருக்கிறதென்று பார்க்கலாம். நான் கணக்கீடு செய்வதை சுலபமாக்க மாதக் கடைசியில் வாங்குவதாக அமைத்துள்ளேன். ஏனெனில், அமிப்ரோக்கரில் மாதக் கடைசியில் க்ளோஸிங் விலை என்னவென்று ஈசியாகக் கண்டுபிடிக்கலாம். எனவேதான் மாதக் கடைசியில் வாங்குகின்றேன்.

*டிசம்பர் 2014 வரை பதினைந்து வருடங்களுக்கு.

*வாங்கும்போது புரோக்கரேஜ், பல்வேறு வரிகளுக்காக 2% செலவீனங்களையும் கூட்டியுள்ளேன்.

*ஜனவரி 31, 2000 அன்று முடிவு விலை 490.85. இத்துடன் 2% செலவீனங்களைக் கூட்டிய பிறகு, நம்மால் 9 பங்குகளை மட்டுமே வாங்க முடியும். அதற்கான மொத்தச் செலவு ரூ. 4506/- அப்படி வாங்கிய பிறகு மீதமுள்ள தொகை 494.00

*இந்த மீதித் தொகையினை அப்படியே வைத்திருந்து அடுத்த மாதம் 5000+494=5,494/-க்கு எவ்வளவு பங்குகள் வாங்க முடியுமென்று பார்ப்பேன். இதில் வரும் மீதத் தொகையினை அதற்கடுத்த மாத 5,000/-த்துடன் சேர்த்துக் கொள்வேன்.

*எவ்வெப்போதெல்லாம் டிவிடெண்ட் (ஈவுத்தொகை) கொடுக்கிறார்களோ, அதனையும் 5,000/-த்துடன் சேர்த்துக்கொள்ளவேண்டும்.

*ஸ்ப்லிட் மற்றும் போனஸ் பங்குகளும் இந்தக் கணக்கிலடங்கும்.

*டி‌வி‌எஸ் மோட்டார் நிறுவனத்தின் பங்குகள் 2000 ஜூன் மற்றும் ஜூலை மாதங்களில் NSE-யில் வர்த்தமாகவில்லை போலும். அப்போதுதான் டி‌வி‌எஸ் நிறுவனம், சுஸுகி நிறுவனத்திடமிருந்து பிரிந்து வந்தது. அந்த 2 மாதம் x 5,000/-த்தினை ஆகஸ்ட் மாதம் உபயோகித்துள்ளேன்.

*கண்டிப்பாக இது ஓர் ஆய்வுக் கட்டுரைதான். டி‌வி‌எஸ்மோட்டார் பங்கினை வாங்கப் பரிதுரைக்கவில்லை. பங்குச்சந்தை முதலீடு ரிஸ்க்குகள் நிறைந்தது.

என்னங்க? இதைப் பார்த்தவுடன், “நா……. ன்…. மெரசலாயிட்டேன்….”னு பாடத் தோணுதா? 2000-த்திலிருந்து 2014 வரை எத்தனை பாராளுமன்றத் தேர்தல்கள்? எத்தனை மாநிலத் தேர்தல்கள்? எத்தனை ஆட்சி மாற்றங்கள்? குரூட் ஆயில், டாலர், யூரோ, மெட்டல் விலைகளில் எத்தனையெத்தனை மாற்றங்கள்? ஆனால், இந்த SIP முறை முதலீட்டின் பலன்களை/பலங்களைப் பாருங்கள்!

இந்த மாதிரியான ஒரு கட்டுப்பாடான முதலீட்டாளராக உருவாக முயற்சி செய்யுங்கள்! புதியவர்களுக்கு டிரேடிங் வேண்டாமே!

அடுத்த கட்டுரையில் இன்ஃபோஸிஸ் நிறுவனத்தில் SIP முதலீடு எவ்வாறு இருந்திருக்குமென்று பார்க்கலாம்.

அன்புடன்,

பாபு கோதண்டராமன்

 

 

 

 

 

 

 

தீபாவளி டூ தீபாவளி (2013 டூ 2014)

ஹலோ!

கீழேயிருக்கும் பட்டியல்களில் 2013 தீபாவளியிலிருந்து 2014 தீபாவளி வரை உயர்ந்திருக்கும் பங்குகளில் டாப்-150 லிஸ்ட்.

“என்னங்க சார்? தீபாவளி போய் கிறிஸ்துமஸே வந்து விட்டது. இவ்வளவு சுறுசுறுப்பாய் இருக்கிறீர்களே!”ன்னு சொல்றீங்களா? புரியுது, புரியுது! அட்லீஸ்ட் பொங்கல் வரைக்கும் வெயிட் பண்ணலையே நான்! இப்போதாவது எழுத உட்கார்ந்திருக்கின்றேனே!

என்ஜாய்!

அன்புடன்,

பாபு கோதண்டராமன்

படம் 1: 401 சதவீத உயர்வு மற்றும் அதற்கு மேலே!

 

இன்றைய தினம்… நாணயம் விகடனில் எனது முதல் கட்டுரை

ஹலோ!

இந்தக் காளையும்கரடியும் blog வழியாக என்னுடைய வாசகர்களாகிய உங்களுடன் தொடர்பிலிருந்து கொண்டிருக்கின்றேன். நீங்களும் டெக்னிக்கல் அனாலிசிஸ் பற்றிய எனது பல்வேறு கட்டுரைகளையும், ஸ்ட்ராடஜிக்கள் பற்றிய புதிய விஷயங்களைப் பற்றி நான் எழுதி வந்ததையும்  தொடர்ந்து ஆதரித்துக் கொண்டு வந்திருக்கிறீர்கள்.

தமிழிலேயே டெக்னிக்கல் அனாலிசிஸ் பற்றித் தொடர்ந்து எழுதி வந்ததை ஆதரிக்கும் விதமாக விகடன் குழுமத்தின் நாணயம் விகடன் இதழின் ஆசிரியர் மற்றும் முதன்மைப் பொறுப்பாசிரியர் ஆகியோர் ஆதரவில் இன்றைய நாணயம் விகடன் (6/10/2013 தேதியிட்ட) இதழில் “பங்குச் சந்தையில் ஜெயிக்க பத்து வழிகள்” என்ற எனது கட்டுரை பிரசுரமாகியுள்ளது. இதன் மூலம் மேலு தமிழ் வாசகர்களை அறியும் பாக்கியம் எனக்குக் கிடைத்துள்ளது. இக்கட்டுரையே அச்சிலேறும் எனது முதல் கட்டுரையாகவும் அமைந்துள்ளதால், இந்த நாள்… இனிய நாள்…. எனக்கொரு பொன் நாள்!

நாணயம் விகடன் ஆசிரியர், முதன்மைப் பொறுப்பாசிரியர் மற்றும் அவர்களது குழுவிற்கும் எனது மனமார்ந்த நன்றிகளைத் தெரிவித்துக் கொள்கிறேன்.

இத்தருணத்தில் என்னைத் தமிழில் எழுதிடத் தூண்டிய, திரு B. ஸ்ரீராம், MSE-யில் பயிற்சி வகுப்புகள் நடத்திட வாய்ப்புகளித்த திரு. நாகப்பன் வள்ளியப்பன், இயக்குனர், MSE அவர்களுக்கும் மற்றும் எனது நலம் விரும்பும் நண்பர் திரு. குருநாதன், உதவி மேலாளர், மார்க்கெட்டிங்க் பிரிவு, BSE சென்னை அவர்களுக்கும் எனது நன்றிகள்!

எனக்கு எப்போதும் ஆதரவளித்துக் கொண்டிருக்கும் வாசகர்களாகிய உங்களை நான் மறக்க முடியுமா? உங்களுக்கும் கோடானு கோடி நன்றிகள்!

அன்புடன்,

பாபு கோதண்டராமன்

பி.கு: எனது கட்டுரையினை நாணயம் விகடன் இதழில் படித்துப் பார்த்து விட்டு, நிறை,குறைகளை நாணயம் விகடன் முகநூல் (கருத்துக்களைப் பதிவு செய்ய) பக்கத்தில் தவறாமல், தயங்காமல் பதிவு செய்யுங்கள்! தங்களின் மேலான கருத்துக்களே என் போன்றோரின் எழுத்துக்களுக்கு மேலும், மேலும் மெருகேற்றும்!

பாகம் 3 – ஒரு சில ஆப்ஷன் ஸ்ட்ராடஜிக்களின் இலாப, நஷ்டக் கணக்கு

ஹலோ!

கடந்த வாரம் நான் ஒரு சில ஸ்ட்ராடஜிக்களின் அடிப்படையில், ஒரு சில ஸ்டாக்குகளின் CE மற்றும் PE-க்களை ஒன்றாக வாங்கி, எக்ஸ்பைரி வரையிலும் வைத்திருந்தால் எவ்வளவு இலாபம் கிடைக்கிறதென்று ஒரு சில பேப்பர் டிரேட்களின் இலாப, நஷ்டக் கணக்குகளை இங்கே எழுதியிருந்தேன்.

பாகம் 2 இங்கே!

பாகம் 1 இங்கே!

நிறைய பேர் என்னைத் தொடர்பு கொண்டு எவ்வாறு ஸ்டாக்குகளைத் தேர்ந்தெடுப்பது, என்ன ஸ்ட்ராடஜி/ சிக்னல்களின் அடிப்படையில் வாங்க வேண்டுமென்றும் கேட்டிருந்தனர். இதற்கெல்லாம் முன்னர் நான் இங்கே நிஃப்டியில் செய்த பேக்-டெஸ்ட்டினை இங்கே எழுதுகின்றேன்.

Name	Date	Fut Price	Option details	Entry	When ITM
NIFTY	30-Aug	5462		30-Aug	12-Sep
				5462	5930
			SEP5500CE	125.00	440.75
			SEP5400PE	128.50	26
QTY	50		TOTAL	253.5	466.75
			Amount	12675	23337.5
				இலாபம்	84%
Name	Date	Fut Price	Option details	Entry	When ITM
NIFTY	30-Aug	5462		30-Aug	12-Sep
				5462.00	5930.00
			SEP5600CE	78.00	356.00
			SEP5300PE	99.30	18.70
QTY	50		TOTAL	177.30	374.70
			Amount	8865	18735
				இலாபம்	138%
Name	Date	Fut Price	Option details	Entry	When ITM
NIFTY	30-Aug	5462		30-Aug	12-Sep
				5462	5930.00
			SEP5700CE	43.95	295.00
			SEP5200PE	76.00	13.65
QTY	50		TOTAL	119.95	308.65
			Amount	5997.5	15432.5
				இலாபம்	157%
Name	Date	Fut Price	Option details	Entry	When ITM
NIFTY	30-Aug	5462		30-Aug	12-Sep
				5462.00	5930.00
			SEP5800CE	21.50	207.00
			SEP5100PE	57.65	9.90
QTY	50		TOTAL	79.15	216.90
			Amount	3957.5	10845
				இலாபம்	174%
Name	Date	Fut Price	Option details	Entry	When ITM
NIFTY	30-Aug	5462		30-Aug	12-Sep
				5462.00	5930.00
			SEP5900CE	9.30	145.00
			SEP5000PE	44.00	7.05
QTY	50		TOTAL	53.30	152.05
			Amount	2665	7602.5
				இலாபம்	185%

இவை அனைத்திலுமே முதலீடு செய்திருந்தால், ஆகஸ்ட் 30-ஆந்தேதியன்று செய்த 34,160 ரூபாய் முதலீடு, 14 நாட்களில் ரூ.41,793 (அன்றைய அதிக பட்ச விலையைக் கொண்டு கணக்கிடப் பட்டுள்ளது), அதாவது 122% அளவிற்கு இலாபம் கிடைத்துள்ளது.

Total	Cost	Income	Profit	Proft %
14 days	34160	75953	41793	122%

 

Disclaimer: Paper trades only
	Brokerages & Taxes not included

அன்புடன்,
பாபு கோதண்டராமன்

ரீல் 2: டெக்னிக்கல் அனாலிசிஸ் ஈசியாகக் கற்றுக்கொள்ள……

ஹலோ!

ரீல் – 1 படிக்கணுங்களா? இங்கே கிளிக்கிக்கோங்க!

ஒரு சார்ட்டைப் பார்த்தால், என்னென்ன வகையில் யோசிக்கலாமென்று எனக்குத் தெரிந்த வரையிலும், கீழே படங்களுடன் (படங்களிலேயே) குறிப்புகளை எழுதியுள்ளேன்.

எடுத்துக்கொண்டுள்ள பங்கு ORIENTBANK டெய்லி டைம்ஃபிரேம். மொத்தம் ஆறு படங்கள் உள்ளன. ஒவ்வொன்றிலும் ஒவ்வொரு விதமான அமைப்புகளைப் பற்றி எழுதியுள்ளேன். எப்படி இருக்குன்னு ஒரு பதில் போடுங்க! எதுனா புரியலைன்னாலும் கேளுங்க!

 

படம் 1: ORIENTBANK

 

படம் 2

 

படம் 3

 

படம் 4

 

படம் 5

படம் 6

அன்புடன்,

பாபு கோதண்டராமன்

பாகம் 2 – ஒரு சில ஆப்ஷன் ஸ்ட்ராடஜிக்களின் இலாப, நஷ்டக் கணக்கு

ஹலோ!

ஓ! வாட் எ மெடிக்கல் மிராக்கிள்!

நேற்று பாகம் 1-இல் (இதனைப் படிக்க இங்கே கிளிக்கிடவும்) WIPRO மற்றும் IDFC ஆப்ஷன்களில் வெவ்வேறு விதமான ஸ்ட்ராடஜிக்களில் கால் & புட் வாங்கி, எக்ஸ்பைரி வரை வைத்திருந்தால், எந்த அளவிற்கு இலாபம் (பேப்பரில்தானுங்க! இதெல்லாம் இன்னும் டிரேட் பண்ண ஆரம்பிக்கலை) வருகிறதென்றும் எழுதியிருந்தேன்.

இந்த IDFC-யில் நியர் OTM (Near OTM)தான் வாங்குவது போல பேக் டெஸ்ட் செய்திருந்தேன். அதிலே 609% – அதாவது போட்ட முதலுக்கு, 6 மடங்கு வரை இலாபம் வருவதாகக் குறித்திருந்தேன்.

(நியர் OTM: 14/8 அன்று ஃப்யூச்சர் 112.30 லெவலில் இருந்தபோது Aug120CE & Aug100PE – இவற்றில் லாங் பொசிஷன் எடுத்தது. இதுதான் 28/8 அன்று ஸ்குயர் ஆஃப் செய்யும்போது, 15 நாட்களில் 6 மடங்கு இலாபத்தைத் தருவதாக இருக்கின்றது)

Name	Date	Fut Price	Option details	Entry	When ITM	Till Expiry Exit	# of days in trade
IDFC	14-Aug	112.3		14-Aug		28-Aug	15	days
				112.30		at 79.50	P & L
			AUG120CE	1.50		0.05	32,300.00
			AUG100PE	1.15		18.75
QTY	2000		TOTAL	2.65	0.00	18.80	P & L %
			Amount	5300	0	37600	609%

இதற்கே நான் மலைத்துப் போய், “ஆப்ஷனில் இந்த அளவிற்கு சாத்தியமா?” என்றும் கேட்டிருந்தேன். “அட! இதெல்லா ஜூஜுபி-ங்க!” என்பது போல அடுத்து வரும் ஒரு கணக்கு காட்டுகிறது.

இந்த நியர் OTM (near OTM) – ஐக் கொஞ்சம் ஃபார் OTM (Far OTM)-ஆக மாற்றினால் என்ன இலாபம் கிடைக்கிறதென்பதுதான் இந்த “மெடிக்கல் மிராக்கிள்” கட்டுரையின் சாராம்சம்!

இதுல, ஒண்ணு (ஆக்சுவலா, இரண்டு) நீங்க நல்லா புரிஞ்சிக்கணுமுங்க!

நியர் OTM: விலை 110-இல் இருக்கும்போது அதற்குப் பக்கத்திலேயே இருக்கும் 120CE & 100PE எல்லாம் நியர் OTM வகைப்படும் ஆப்ஷன்கள்.

ஃபார் OTM (Far OTM): தற்போதைய மார்க்கெட் விலைக்கு ரொம்ப தூரத்தில் இருக்கும் ஸ்டிரைக் ப்ரைஸ்களான 130CE & 90PE போன்றவை இந்த வகையிலே சேர்க்கலாம்.

(என்னங்க! இந்த நியர் மற்றும் ஃபார் OTM-கள் பற்றிய விளக்கங்கள் ஈஸியாகப் புரியுதுங்களா?)

அடுத்ததாக, இந்த ஃபார் (Far) OTM-களான 130CE மற்றும் 90PE-க்களை வாங்கினால், இதே 15 நாட்களில் அது சுமார் 15-1/2 மடங்கு (1545%) இலாபம் தருவதாகக் கூறுகிறது.

Name	Date	Fut Price	Option details	Entry	When ITM	Till Expiry Exit	# of days in trade
IDFC	14-Aug	112.3		14-Aug		28-Aug	15	days
				112.3		at 79.50	P & L
			AUG130CE	0.20		0.05	17,000.00
			AUG90PE	0.35		9.00
QTY	2000		TOTAL	0.55	0.00	9.05	P & L %
			Amount	1100	0	18100	1545%

இது உண்மையிலே சாத்தியமா? கணக்குகளின் படி இது சாத்தியமாகத்தான் தெரிகிறது. ஆனால், நடைமுறைப் படுத்துவதெப்படி?

இதுதான் ஒரு சில விதிமுறைகளுக்குட்பட்டு, டிரேடிங் ஸ்ட்ராடஜிக்களை கடைபிடித்து வணிகம் (பிசினஸ்) செய்வதற்கான வழிமுறையாக இருக்கும்.

இதையே சூதாட்டமாக (gambling) மாற்றுவதெப்படி? ரொம்ப சிம்பிள்! இதிலே இலாபம் தருவது PE-தான். எனவே 130CE வாங்குவதை நமது கணக்கிலிருந்து நீக்கி விடலாம். எனவே, 14/8 அன்று 90PE மட்டும் வாங்குவதாக (குருட்டாம்போக்கில், எந்தவொரு ஸ்ட்ராடஜியும் இல்லாமல்) வைத்தால் அது சுமார் 25 மடங்கு (2471%) இலாபம் தருவதாகக் காட்டுகிறது.

ஆனால், இதை மட்டும் வாங்க வேண்டுமென்று நமக்கெப்படித் தெரியும்? அதனால்தான் இந்தவொரு டிரேடை மட்டும் – சூதாட்டம் – என்று சொல்கிறேன்

Name	Date	Fut Price	Option details	Entry	When ITM	Till Expiry Exit	# of days in trade
IDFC	14-Aug	112.3		14-Aug		28-Aug	15	days
				112.3		at 79.50	P & L
							17,300.00
			AUG90CE	0.35		9.00
QTY	2000		TOTAL	0.35	0.00	9.00	P & L %
			Amount	700	0	18000	2471%

அன்புடன்,

பாபு கோதண்டராமன்

பி.கு:

1. இவையெல்லாம் இதுவரையிலும் பேப்பர் டிரேட்கள் தான். ஆழம் தெரியாமல் காலை விட வேண்டாம்.

2. இவை போன்ற 6 மடங்கு, 15 மடங்கு, 25 மடங்கு இலாபம் என்றெல்லாம் படிக்கும்போது, உங்கள் மனத்திலேற்படும் (பேர்)ஆசைகளை அடக்கி, மூளை போடும் கணக்குகளுக்குட்பட்டு, “இது சாத்தியமா? நடைமுறைக்கு ஏற்றதா?” என்ற கேள்விகளை நீங்க கேட்க ஆரம்பிச்சிங்கன்னா, மிகவும் சீக்கிரமாகவே நீங்க ஒரு கட்டுப்பாடான  டிரேடரா வந்துடுவீங்க!

நீங்க…………. நல்லா வருவீங்க!

டெக்னிக்கல் அனாலிசிஸ் ஈசியாகக் கற்றுக்கொள்ள…..

“கற்றுக்கொள்ள வேண்டுமென்று நினைத்தால், உங்களை யாராலும் தடுத்து நிறுத்த முடியாது;

கற்றுக்கொள்ள மாட்டேனென்று அடம் பிடித்தால், யாராலும் உங்களுக்குக் கற்றுக் கொடுக்க முடியாது”

– நன்றி: இன்டர்நெட்

ஒவ்வொரு வருஷமும் இந்த பப்ளிக் எக்ஸாம் எழுதற பத்தாம் வகுப்பு மற்றும் பிளஸ் டூ மாணவ, மாணவிகளைப் பாத்தீங்கன்னா, டியூஷன் போக ஆரம்பிச்சுடுவாங்க. அன்றாடம் காலையும், மாலையும் வகுப்புகளிருக்கும். கடைசி மூன்று, நான்கு மாதங்களுக்கு மாடல் டெஸ்ட், எக்ஸாம்-ஆக எழுதிக் கொண்டிருப்பார்கள். இப்படியெல்லாம் படித்து, எழுதுவதால் ஒவ்வொரு மாணவ, மாணவியரின் திறமையும் (அவர்களின் கெப்பாஸிட்டிக்கேற்ப) ஒரு 10%-15% உயர்கிறது. இதிலேயே ஒரு சிலரைப் பார்த்தீங்கன்னா, 25%முதல் 30% வரை தங்களின் திறமையை வளர்த்துக் கொள்கிறார்கள். இவர்கள் தங்களது சொந்த முயற்சியில், கூடுதல் அக்கரையெடுத்து, பாடங்களை நன்கு புரிந்துகொண்டு, வீட்டிலும் கொஞ்சம் அதிகமாகக் கவனம் செலுத்தி தங்களது திறன்களை வளர்த்துக் கொள்கிறார்கள். வெகு சிலரோ மாநில, மாவட்ட அளவிலே உயர் தகுதி நிலைகளை அடைகிறார்கள்.

“என்னங்க? டெக்னிக்கல் அனாலிசிஸ் கத்துக்கொடுப்பீங்கன்னு பார்த்தால், ஏதோ பப்ளிக் எக்ஸாம் பத்தியெல்லாம் சொல்றீங்களே!”ன்னு கேக்குறீங்களா? வெயிட்; வெயிட்! இரண்டுக்குமே சம்பந்தம் இருக்குதுங்க. அனைவருக்கும் ஒரே சிலபஸ்ஸாக இருந்தாலும், ஒவ்வொருவரின் முயற்சி, திறமை, அணுகுமுறைக்கேற்பத்தான் மாணவ, மாணவிகளில்  வெற்றி வாய்ப்புகள் அமைகின்றன.

அதே போல மார்க்கெட் ஒன்றாக இருந்தாலும், இண்வெஸ்டர்கள்/டிரேடர்கள் தேர்ந்தெடுக்கும் பங்குகள், முதலீட்டுச் சாதனங்கள் (FnO, கேஷ் மார்க்கெட், கமாடிட்டி, ம்யூச்சுவல் ஃபண்ட்), வணிகம் செய்யும் உத்திகள், முதலீடு மற்றும் வேறு பல காரணிகள்தான் ஒவ்வொரு முதலீட்டாளரின் வெற்றி, தோல்வியின் அளவுகளை தீர்மானிக்கின்றன.

ஃபண்டமண்டல் அனாலிசிஸ் / டெக்னிக்கல் அனாலிசிஸ் முதலான விஷயங்களை வைத்து பங்குச்சந்தையில் முதலீடு செய்கிறார்கள். இவையிரண்டுமே, ஒரு 75% சாமான்ய முதலீட்டாளர்களுக்கு கொஞ்சமும் புரிவதில்லை. இரண்டுமே கொஞ்சம் டிரை (dry) சப்ஜெக்ட்கள்தான். நிறைய புத்தகங்கள் வாசித்து, நெட்டில் படித்து, பேஸ்புக் வீடியோக்கள் பார்த்து, ஒரு சில பயிற்சி வகுப்புகளில் சேர்ந்து படித்தாலும் “ஏட்டுச் சுரைக்காய் கறிக்கு ஆகாது” என்பது போல, டிரேடிங்-கில் உதவுவது போலத் தெரியவில்லை. இதற்கென்ன காரணம்?

இந்த சப்ஜெக்ட்கள் எல்லாம் dry-ஆக இருந்து, படிக்க ஆரம்பிக்கும்போதே பிடிக்க மாட்டேன் என்கிறதல்லவா? இப்போது நான் உங்களுக்கு ஒரு ரொம்பவும் சிம்பிளான பயிற்சி கொடுக்கின்றேன். முயன்று பாருங்கள்! டெக்னிக்கல் அனாலிசிஸ் மீது உங்களுக்கு ஒரு காதல் (……….. ஆமாங்க, காதல்தான்!) வருகிறதாவென்று பாருங்கள். வரும்: கண்டிப்பாக வரும். வரணும்! (நாட்டாம! தீர்ப்ப மாத்திச் சொல்லு)

டெக்னிக்கல் அனாலிசிஸ்-ஐ எப்படி சுவாரஸ்யமாக இருக்குமாறு மாற்றி உங்களுக்குப் பயிற்சி கொடுப்பது என்று யோசித்தபோதுதான் (ரூம் போட்டுத்தான் யோசித்தேனுங்க! அதுவும் “மாத்தி யோசி” மாதிரி. 🙂 ) “ஹையா! இது நல்லாருக்கே!”ன்னு தலைக்கு மேலே ஒரு பல்ப் எறிஞ்சிதுங்க!

கடந்த ஜூலை 19-ஆந்தேதியன்று கீழேயிருக்கும் TCS I Hourly chaart போட்டு இந்த கப் அண்ட் ஹாண்டில் பேட்டர்ன் பார்த்தீர்களாவென்று கேட்டிருந்தேன்.

படம் 1: TCS I படம் 1: 20130719 கப் அண்ட் ஹாண்டில் பேட்டர்ன்

இப்போது இதே TCS I-இன் இன்றைய நிலையை, Hourly-க்குப் பதிலாக டெய்லி சார்ட்டில் பார்க்கலாம். Hourly-யில் இருந்த அதே மசாலாதான் (8EMA மற்றும் 34EMA-க்கள்) டெய்லியிலும் உள்ளன.

படம் 2: 34EMA-வின் மகிமை!

என்ன தெரிகிறது? இரண்டாவது படத்திலே 2013 மார்ச் வரையிலும் மேலே சென்ற பங்கானது, ஜூலை வரையிலும் 34EMA-வைச் சுற்றி, சுற்றி வந்தே டூயட் பாடிக் கொண்டிருந்தது. ஜூலையில் மேலே சென்றது, ஆகஸ்ட்டில் கீழே வந்து, 34EMA-வைத் தொட்டுவிட்டு, ரிஜக்ட் ஆகி, மறுபடியும் மேலே சென்றுவிட்டது (என் வழி … தனி வழி… என்பது போல!)

(அது சரிங்க! அஞ்சு மாசமா ஒண்ணா சுத்தித் திரிஞ்சிக்கிட்டிருந்த இந்த ரண்டு பேரும் – அதுதாங்க விலையும், 34EMA-வும்- ஆகஸ்ட்டிலிருந்து ஏங்க பிரிஞ்சிட்டாங்க? 34EMA-வானது விலையை ஏனிப்படித் துரத்தியடிக்குது? ஏதாவது கசமுசாவா?)

“யோவ் .. பெருசு! இந்த வயசான காலத்துல உனக்கேன்யா இந்த அக்கப்போர்”னு சொல்றீங்களா! 🙂

இனிமேல் உங்களோட இண்டரெஸ்ட்தாங்க! உடனே சார்ட்டப் பாருங்க; 34EMA லைன் போடுங்க. ஸ்டாக் டிரெண்டில் இருக்கும்போதும், சைட்வேஸ் மார்க்கெட்டில் இருக்கும்போதும் 34EMA விலையை என்ன செய்கிறதென்பதை நோட் பண்ணுங்க! நிஃப்டி ஃபிஃப்டி ஸ்டாக்ஸ் பாத்தாலே போதுங்க! இந்த சூட்சுமம் நன்றாக விளங்கும்.

நீங்க ரெடியா?

அன்புடன்,

பாபு கோதண்டராமன்

இது போதுமா? இன்னும் கொஞ்சம் வேணுமா? உங்களுக்கு இதைப் படிச்சிட்டு, சார்ட்டெல்லாம் 34EMA வச்சிச் செக் பண்ணிட்டப்புறமும், இண்டரெஸ்ட் ரொம்ப அதிகமா இருந்துச்சின்னா, 34-ஐ, 13, 21, 55 அப்படீன்னு மாத்திப் போட்டெல்லாம் மறுபடியும் செக் பண்ணுங்க! என்ஜாய்!

 

வணிகத்தின் விதிமுறைகள் (Trading Rules) – அத்தியாயம் 10

ஆங்கிலத்தில்: JK

தமிழாக்கம்: பாபு கோதண்டராமன்

முடிவெடுத்தல் (Decision making)

அத்தியாயம் 1 – அத்தியாயம் 2 – அத்தியாயம் 3 – அத்தியாயம் 4

செயல்படுத்துதல் (Execution)

அத்தியாயம் 5

மேனேஜ்மெண்ட் (Management)

அத்தியாயம் 6 – அத்தியாயம் 7 – அத்தியாயம் 8 – அத்தியாயம் 9

அத்தியாயம் 10 தொடர்கிறது.

முதலில் சரஸ்வதி பூஜை, ஆயுத பூஜை மற்றும் விஜய தசமி நல்வாழ்த்துக்களைத் தெரிவித்துக் கொள்கிறேன்.

ஒரு மாத காலமாக தொடர்ந்து எழுத முடியாமைக்கு மன்னிப்பு கோருகிறேன்.

இப்போது  பிரமிடிங்க் பற்றிப் பார்ப்போம்!

விதி 8: தேவைப்பட்டால், பிரமிடிங்க் செய்யலாம்

முந்தைய அத்தியாயத்தில் ஒரு பிரமிட் படம் போட்டிருந்தேன். பிரமிட் எப்படியிருக்கும் என்று நான் சொல்லித் தெரிய வேண்டியதில்லை. “பேஸ்மெண்ட் ஸ்ட்ராங்க்”-ஆக இருக்கும். மேலே போகப் போக அளவில் சிறியதாகிக் கொண்டேயிருக்கிறதல்லவா? இது எப்படி பங்குச் சந்தை முதலீடு/வணிகத்திற்கு உபயோகமாகிறதென்று பார்க்கலாம்.

சப்போஸ், நாம் ஒரு பொசிஷன் எடுத்துள்ளோம். மார்க்கெட்டானது, நாம் எடுத்த டிரேட் படியே, இலாபத்தில் செல்கிறதென்று வைத்துக்கொள்வோம். அப்போது, அதன் திசையிலேயே மேலும் மேலும் நமது பொசிஷனை அதிகரித்துக் கொள்வதே “பிரமிடிங்க்” எனப்படும். இதற்கு 1) மார்க்கெட்டனது “ஸ்லோ அண்ட் ஸ்டெடி” (slow & steady) என்ற வாக்கிலே 2) ஒரே திசையில் (டிரெண்டில்) இருக்கவேண்டும். வலிமையான புல்லிஷ் மற்றும் பேரிஷ் மார்க்கெட்டுகள் பிரமிடிங்க் செய்ய உகந்தவை.

1) இன்வர்ஸ் *Inverse* மற்றும் 2) நார்மல் *Normal* முறைகளிலே பிரமிடிங்க் செய்யலாம்.

நார்மல் பிரமிடிங்கில் மார்க்கெட்டானது நமது டிரேடின் திசையிலேயே சென்று, நமக்கு இலாபத்தை கொடுத்துக்கொண்டிருந்தால், மேலும், மேலும் முதலில் எந்த அளவில் பொசிஷன் எடுத்திருந்தோமோ, அதே எண்ணிக்கையில் பொசிஷனை அதிகரித்துக் கொள்வதாகும். அதாவது, முதலில் 50 ஷேர்கள் வாங்கியிருந்தால், அடுத்தடுத்த டிரேட்களில் 50, 50 ஷேர்களாக வாங்கிக் குவிப்பதாகும்.

இன்வர்ஸ் பிரமிடிங்கில் எப்படி டிரேட் எடுப்பதென்று கீழேயுள்ள சிறிய அட்டவணையில் பார்க்கலாம்.

டிரேட் நம்பர்	விலை	Buy எண்ணிக்கை	மொத்த விலை	சராசரி விலை  (ஷேர்கள் கையிருப்பு)
1 2 3 4 5 6 மொத்தம்	ரூ. 75 ரூ. 80 ரூ. 85 ரூ. 90 ரூ. 95 ரூ 100	300 150 75 35 25 15 600	ரூ.22,500 ரூ.12,000 ரூ. 6,375 ரூ. 3,150 ரூ. 2,375 ரூ. 1,500 ரூ. 47,900	ரூ. 75.00 (300) ரூ. 76.67 (450) ரூ. 77.86 (525) ரூ. 78.62 (560) ரூ. 79.32 (585) ரூ. 79.83 (600)

இம்முறையில் பிரமிடிங்க் செய்யும்போது, சராசரி விலையானது, முதலில் வாங்கிய விலைக்கு அருகாமையிலிருக்காறு பொசிஷன்கள் எடுக்கப்படுகின்றன. அதாவது, அடுத்தடுத்த டிரேட்களில், ஷேரின் விலையேற்றத்திற்குத் தக்கவாறு (இந்த எடுத்துக்காட்டில்) பங்குகளின் எண்ணிக்கைக் கணிசமாகக் குறைந்து கொண்டே போவதைப் பாருங்கள்.

ஏன்? இவ்வாறு செய்தால், மொத்தமுள்ள 600 பங்குகளின் சராசரி விலையானது நமது முதல் டிரேட்-ஆன ரூ.75-க்குப் பக்கத்திலேயே இருக்கிறது. ஆனால் மார்க்கெட்டிலோ, கடைசியாக ரூ. 100-இல் டிரேட் ஆகிறது. அதனால், நமக்கு நல்ல இலாபம்தானே?

குட் லக்!

(தொடரும்

வணிகத்தின் விதிமுறைகள் (Trading Rules) – அத்தியாயம் 9

ஆங்கிலத்தில்: JK

தமிழாக்கம்: பாபு கோதண்டராமன்

முடிவெடுத்தல் (Decision making)

அத்தியாயம் 1 – அத்தியாயம் 2 – அத்தியாயம் 3 – அத்தியாயம் 4

செயல்படுத்துதல் (Execution)

அத்தியாயம் 5

மேனேஜ்மெண்ட் (Management)

அத்தியாயம் 6 – அத்தியாயம் 7 – அத்தியாயம் 8

அத்தியாயம் 9 தொடர்கிறது.

நம்முடைய டிரேட் இலாபத்திலிருக்கும்போது என்னென்னவெல்லாம் செய்ய வேண்டுமென்று பார்த்துக்கொண்டிருக்கின்றோம்.

(ஆஹா… ஞாபகம் வந்திடிச்சே எனக்கு! அதான் இந்தப் பக்கமா வந்து ஒருநடை எழுதிட்டுப் போகலாமுன்னு வந்திருக்கேன். ரொம்ப சாரிங்க! கொஞ்சம் (நெறையவே) வேலையிருக்கிறதுனால முன்பு போல எழுத முடியவில்லை)

விதி 7: நீங்க கிரிக்கெட் மட்டையைச் சுழற்றும் போதெல்லாம் காற்றைத்தான் அடிக்கிறீர்களா? கொஞ்சம் நிதானத்துக்கு வாங்க!

நீங்க எடுக்குற டிரேட் எல்லாமே தொடர்ச்சியா உங்களைக் கவிழ்த்துக் கொண்டேயிருந்தால், உங்களோட டிரேடிங்கை உடனே நிறுத்தி வையுங்கள். ஏன்னா, இந்தத் தோல்விகளெல்லாம் எதைச் சொல்லுதுன்னா, “எலே! என்னலே! நானு இங்குட்டு இந்தப் பக்கமா போயிட்டிருக்கேன்! நீ என்னமோ அந்தப் பக்கமா பராக்கு பாத்துக்கிட்டே வேறெங்கேயோ போரயே!” அப்படின்னு ஒரு எச்சரிக்கையை சொல்லுது. அதனால, கொஞ்சம் டிரேடிங் எல்லாம் நிறுத்திட்டு, “நாம் ஏன் மார்க்கெட் செல்லும் திசையைச் சரியாகப் புரிந்து கொள்ளாமல் தவறான திசையில் நமது டிரேட்களை எடுக்கிறோம்? அதை எப்படி சரி செய்வது?” என்ற ஆராய்ச்சியில் இறங்கி, நமது தவறுகளைக் களைந்தெறிய முயற்சிக்க வேண்டும்.

இதே நீங்க அடிக்கிறதெல்லாம் சிக்சர், பௌண்டரி-ன்னு போயிட்டேயிருந்துதுன்னா, நிறுத்தாதீங்க! அதே தொடர் தோல்விகள் வந்தால், மார்க்கெட் ஏதோ சொல்ல விரும்புதுன்னு புரிஞ்சிகிட்டு, அது என்ன சொல்லுதுன்னு தெரிஞ்சிக்கணும்.

அடுத்த வாரம் Pyramiding அதாவது, பிரமிடிங்க் என்கிற “இலாபத்தில் பொசிஷன் இருக்கும்போது, மேலும் பொசிஷன் சைஸை அதிகரிப்பது” என்பது பற்றி பார்க்கலாம்!

படம்: பிரமிட்

(தொடரும்

வணிகத்தின் விதிமுறைகள் (Trading Rules) – அத்தியாயம் 8

ஆங்கிலத்தில்: JK

தமிழாக்கம்: பாபு கோதண்டராமன்

முடிவெடுத்தல் (Decision making)

அத்தியாயம் 1 – அத்தியாயம் 2 – அத்தியாயம் 3 – அத்தியாயம் 4

செயல்படுத்துதல் (Execution)

அத்தியாயம் 5

மேனேஜ்மெண்ட் (Management)

அத்தியாயம் 6 – அத்தியாயம் 7

அத்தியாயம் 8 தொடர்கிறது.

சென்ற அத்தியாயத்தில் இலாபம் வரும்போது என்ன செயல் வேண்டுமென்று பார்க்க ஆரம்பித்தோம். மேலும் தொடர்வோம்.

விதி 5: கண்ணில் தெரியும் இலாபத்தை நஷ்டமாக மாற்றாதீர்கள்!

ரொம்ப சிம்பிள்! நீங்க எடுக்குற டிரேட், நீங்க நெனைச்ச மாதிரியே இலாபத்தின் பக்கமாக நகர ஆரம்பிக்கும்போது என்ன செய்வீங்க?

நானாக இருந்தால், ஒரு குறிப்பிட்ட லெவல் போனத்துக்கப்புறம், பாதி பொசிஷனை இலாபத்தில் கொடுத்து விடுவேன். அப்புறம் ஒரு டிரைலிங்க் ஸ்டாப் லாஸ் “Trailing Stop Loss”(TSL) போட்டுடுவேன். இந்த TSL எப்படி போடுவேன்னா, ஒரு முக்கியமான சப்போர்ட் லெவலுக்குக் கொஞ்சம் மேலே போட்டு, அப்படியே அந்த TSL அடிச்சாலும், எனக்கு எந்த நஷ்டமும் வராத ஒரு லெவல்ல போட்டுக்குவேன். புரியுதுங்களா?

சப்போஸ், ஒரு 100 abc ஸ்டாக்குகளை ரூ.112 லெவலில் வாங்குகிறேன் (டார்கெட் 119.50; ஸ்டாப் லாஸ் 109.50) என்று வைத்துக் கொள்வோம். இதிலே, ரிஸ்க் 2.50; ரிவார்ட் 7.50 அதாவது 1:3

இதிலே நாம் ஒரு ஸ்டாக்குக்கு ரூ 2.50 என்ற அளவிலே, 100 ஸ்டாக்குகளுக்கு ரூ 250/- ரிஸ்க் எடுத்துள்ளோம் என்று கவனித்துக் கொள்ளுங்கள்.

டிரேடும் 114, 115 என்று இலாபத்தில் இருக்கிறது. இப்போது, பாதி பொசிஷனை (அதாவது 50 ஸ்டாக்குகளை) 115 என்ற அளவிலே கொடுத்து விடுவேன். அதாவது 50 x ரூ 3 = ரூ 150 என்ற அளவிலே என்னுடைய ரிஸ்கைக் குறைத்துக் கொள்வேன். (ஆரம்பத்திலிருந்த ரிஸ்க் எவ்வளவுன்னு ஞாபகமிருக்கிறதா?)

250 – 150 = ரூ 100/-தான் என்னுடைய தற்போதைய ரிஸ்க்.

ரிஸ்க்கைக் குறைத்தாகி விட்டது. அதனால், இலாபத்தையும் அதிகரிக்க செய்ய வேண்டும். அதாவது, மீதி இருக்கிற 50 ஸ்டாக்குகளுக்கு 112. 50 அல்லது 113 என்று எங்கே ஒரு முக்கியமான சப்போர்ட் இருக்கிறதோ, அதற்குக் கொஞ்சம் மேலாக ஒரு TSL போட்டுக்கொள்வேன்.

இந்த TSL அடிபட்டால், நஷ்டம் ஏதுமில்லை; அடிபடாமலிருந்தால், இலாபம் மேலும் பெருகும்.

விதி 6: இலாபத்தின் ஒரு பகுதியை, வெளியில் எடுத்து விடுங்கள்.

அதாவது, உங்களுடைய டிரேடிங் அக்கவுண்ட்டிலிருக்கும் இலாபத்தில், மாதந்தோறும் ஒரு குறிப்பிட்ட பகுதியை (25%, 40%, 50% என்று எந்த நம்பர் உங்கள் நியூமராலஜி லக்கி நம்பரோ, அந்த அளவில் :-)) வெளியில் எடுத்து விடுங்கள்.

(தொடரும்)