ஒன்றில் மூன்று வரைபடப் புதிருக்கான விளக்கம்!


புதிர் 1

“என்னது? புதிரா? எப்ப சார் போட்டீங்க?”ன்னு கேட்கிறீர்களா?

கொஞ்ச நாட்களுக்கு முன்னால், இந்தப் படத்தைப் போட்டு விட்டு ஏதாவது புரிகிறதாவென்று கேட்டிருந்தேன். அதற்குப் பிறகு,  OHLC Bar Charts – குச்சி வரைபட அறிமுகம் என்ற பதிவையும் எழுதியிருந்தேன். அதன் மூலம் இன்ஸைட் பார் – உள்ளடங்கிய பார், அவுட்சைட் பார், வைட் ரேஞ்ச் பார் (WRB), நேரோ ரேஞ்ச் பார் (NRB) முதலானவை கொஞ்சத்திற்கு கொஞ்சம் புரிந்திருக்குமென்று நம்புகிறேன்.

இதை மனதில் வைத்துக்கொண்டு படத்தை மறுபடியும் ஒருமுறை பாருங்கள். வைட் ரேஞ்ச் பார் (WRB) எது, இன்ஸைட் பார் எது, அவுட்சைட் பார் எது என்று உங்களால் கண்டு கொள்ள முடிகிறதா?

ஆஹா! “முதல் பார் நல்லா ஒரு WRB பேட்டர்ன்-ல இருந்து, அடுத்த மூன்று பார்களும் முதல் பார்-இன் “ஹை” மற்றும் “லோ”விற்குள்ளேயே உள்ளடங்கியுள்ளன. அந்த மூன்று பார்களுமே முதல் பாருக்கு ‘இன்ஸைட் பார்கள்’தான்” என்கிறீர்களா? சபாஷ்! சரியாகப் புரிந்து கொண்டுள்ளீர்கள். இதுதாங்க 3-in-1 பேட்டர்ன்; ஒன்றுக்குள் மூன்று.

புதிருக்கான விளக்கம்: 3-இன்-1 பேட்டர்ன்

இந்தப் படத்திலே, பாகங்களைக் குறித்துள்ளேன்.

3இன்1 ஹை: பார் 4-இன் ஹை-யை விட அடுத்த மூன்று பார்களின் ஹை கம்மியாக இருக்கும் அதை நேரத்தில்,

3இன்1 லோ: பார் 4-இன் லோ-வை விட அடுத்த மூன்று பார்களின் லோ அதிகமாக உள்ளது.

இதையே, பார்கள் 1,2 & 3 ஆகியவை பார்-4-ற்கு இன்ஸைட் பார்களாக அமைந்துள்ளன. இதனால், இந்த பேட்டர்ன் 3-இன்-1 (ஒன்றுக்குள் மூன்று) என்று அழைக்கப்படுகிறது.

சரி! இதைப் பத்தி தெரிஞ்சிக்கிட்டோம். அதனால, பைசா பிரயோஜனமுண்டா என்று கேட்கிறீர்களா? அதனாலதான் இதை எப்படி டிரேட் செய்யறது; ஸ்டாப் லாஸ் எங்கே வைக்கிறதுன்னு பார்ப்போம்.

ஐந்தாவதாக (பார் 1-ஐ  அடுத்து) வரும் பார் 3-இன்-1 ஹை-யை உடைத்து மேலே சென்று அதற்கு மேலேயே முடிவடைந்தால் (Close), அதுதான் டிரேட் பார்; அங்கே “லாங்” போகலாம். ஸ்டாப் லாஸ்-ஆக 3-இன்-1 லோ-வை வைத்துக் கொள்ள வேண்டும்.

சப்போஸ், ஐந்தாவதாக (பார் 1-ஐ  அடுத்து) வரும் பார் 3-இன்-1 லோ-வை உடைத்துக் கீழே சென்று அதற்கு கீழேயே முடிவடைந்தால் (Close), அதுதான் டிரேட் பார்; அங்கே “ஷார்ட்” போகலாம். ஸ்டாப் லாஸ்-ஆக 3-இன்-1 ஹை-யை வைத்துக் கொள்ள வேண்டும்.

ஒரு டிரேட் எடுத்துக்காட்டைப் பார்க்கலாம். இது மிகச் சமீபத்திய நிகழ்வுதான். 20110624 நிஃப்டி வரைபடத்தை போட்டுள்ளேன். விளக்கங்கள் உள்ளேயே!

வெற்றியடைந்த 3 இன் 1 அமைப்பு: 20110624 நிஃப்டி

இதே நிஃப்டி-யில், இந்த வெற்றிக்குப் பிறகு உருவான இன்னொரு 3 இன் 1 அமைப்பு, ஸ்டாப் லாஸ்-ஐ அடித்துத் தோல்வியடையும் அமைப்பாக மாறியது.

“அரசியல்ல இதெல்லாம் சகஜமப்பா!” என்ற டயலாக்கை ஞாபகம் வைத்துக் கொள்ளுங்கள். ஸ்டாப் லாஸ் இல்லாம டிரேட் செய்யக்கூடாது. ஸ்டாப் லாஸ் அடிச்சாச்சின்னா டிரேடிலிருந்து வெளியே வந்துடனும். ஸ்டாப் லாஸ் கிட்ட “போங்கு” ஆட்டமெல்லாம் ஆடக்கூடாது.

3இன்1 தோல்வியடைந்த அமைப்பு. டிசிப்ளின் ரொம்ப அவசியம்! இதுக்குத்தான் சொல்றது ஸ்டாப் லாஸ் இருக்கணும்னு!


– பாபு கோதண்டராமன்

About KaalaiyumKaradiyum
Trying to be a system trader; but the discretion takes over and the system goes for a toss. Just hangin in. You can make it Babu! Don't give up!

இதப் பத்தி நீங்க என்ன நினைக்கிறீங்கன்னு இங்கே எழுதுங்க!

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: