வணிகத்தின் விதிமுறைகள் (Trading Rules) – அத்தியாயம் 1


ஆங்கிலத்தில்: JK
தமிழாக்கம்: அடியேன்தான்

ஒரு டிரேட் செய்கிறோமென்றால், அதிலே மூன்று விதமான செயல்பாடுகள் உள்ளடங்கியுள்ளன எனலாம். அவையாவன,

1.       டிரேட் பற்றி முடிவெடுப்பது (Decision Making)

2.       அதனைச் செயல்படுத்துதல் (Execution)

3.       பிறகு அதனைச் செம்மையாக வழி நடத்தி மேலாண்மை செய்தல் (Trade Management)

இவ்வாறு ஒவ்வொரு டிரேடும் இம்மூவகையானச் செயல்பாடுகளின் வரிசைக்கிரமப்படியே நடந்தாலும், பணம் சம்பாதித்துக் கொடுப்பதென்னவோ மூன்றாவதான “வழி நடத்தி மேலாண்மை செய்வது (Trade Management)” மட்டுமே.

1. முடிவெடுத்தல்

அனேக முதலீட்டாளர்கள் ஒரு டிரேட் (வாங்கவோ அல்லது விற்கவோ) எவ்வாறு முடிவெடுக்கிறார்கள்? ஃபன்டமண்ட்டல் அனாலிசஸோ  அல்லது டெக்னிக்கல் அனாலிசஸோ கற்றுக்கொண்டு, அந்த ஆராய்ச்சிகளின் மூலம் ஒரு டிரேடில், “லாங்கோ” அல்லது “ஷார்ட்டோ” போகலாம் என்று முடிவெடுப்பார்கள்.

சற்று யோசித்துப் பாருங்கள்! இந்த ஆராய்ச்சிகளைக் கற்றுக் கொள்ளும் காலமும் அதிகமாகும்; கற்றுக் கொள்ளும் முறைபாடுகளும் (வரைபட மென்பொருள், எக்ஸ்சேஞ்ச் விலை விபரம் பெறுவது (data), பேலன்ஸ் ஷீட், பிராஃபிட்&லாஸ் அக்கௌண்ட் போன்ற விபரங்கள்) கொஞ்சம் சிரமமாகத்தானிருக்கும். அதனால்தான், இந்த ஆராய்ச்சி வகைகளில் நிபுணத்துவம் பெற பல்லாண்டு காலமாகலாம். ஒரு டிரேடில் உள்ளடங்கியுள்ள இந்த முதல் வகைச் செயல்பாடு, பணம் ஈட்டித் தருவதற்கில்லை.

2. செயல்படுத்துதல் (Execution)

ஒரு டிரேடின் இரண்டாவதாக அமையும் இப்பகுதி, ஒரு மாதத்திற்குள்ளேயே கற்றுக்கொள்ளும்படியாகத்தான் இருக்கிறது. இந்தப் பகுதியும் பணம் சம்பாதித்துக் கொடுப்பதற்கில்லை. அதி முக்கியமாக டிரேடில் ஏற்படும் இழப்புகளைக் குறைத்துக் கொள்ள உதவுகிறது. எப்படியெனில், லாங்-கோ அல்லது ஷார்ட்-டோ நாம் நினைத்த விலையில் (ஸிலிப்பேஜ் -slippage எதுவுமில்லாமல்) அந்த டிரேடினை முடித்து விட வேண்டும். (லாங் அல்லது ஷார்ட் என்று) ஒரு டிரேட் எடுக்க வேண்டும் என முடிவெடுத்து விட்டால், அதனைச் செயல்படுத்த எண்ணற்ற வழிமுறைகள் உள்ளன.

3. கையிலிருக்கும் டிரேடை வழி நடத்தி மேம்படுத்துதல் (மானேஜ்மெண்ட் ஆஃப் பொசிஷன் – Management of Position)

டிரேடின் மூன்றாவதான இந்தப் பகுதி மட்டுமே, பணம் சம்பாதித்துக் கொடுப்பது,. இதில் விசேஷம் என்னவென்றால், இதைத்தான் சுலபமாகக் கற்றுக் கொள்ள முடியும். ஒரு டிரேடின் வெற்றி, தோல்வியை நிர்ணயிக்கும் இந்த அதி முக்கியமான பகுதியில்தான், வெற்றியாளர்கள் நன்கு செயல்பட்டு ஜாம்பவான்களாகத் திகழ்கிறார்கள்.

அடுத்த முறை நீங்கள் ஒரு டிரேட் எடுக்க முற்பட்டால், ஃபன்டமண்ட்டல் அனாலிசஸ் அல்லது டெக்னிக்கல் அனாலிசஸ் அல்லது இரண்டும் கலந்த கலவை டெக்னோ-ஃபண்டா மூலமாகவோ என்ன செய்ய வேண்டுமென்று முடிவெடுங்கள்; அந்த டிரேடை செயல்படுத்துங்கள்; கடைசியாக, “பணம் பண்ண வேண்டும்” என்ற ஒரு உத்வேகத்துடன் களமிறங்கி, உங்களது டிரேடை கவனமாக வழி நடத்துங்கள்.

பி.கு: நீங்கள் ஒரு டிரேட் எடுக்க வேண்டுமென்று ஆரம்பிப்பது, செல்வத்தின் வாயிலில் இருப்பதல்ல; அந்த வாயிலைச் சென்றடைவதற்கான வழியின் ஆரம்பத்தில்தான் அடியெடுத்து வைக்கிறீர்களென்று கவனத்தில் வைக்கவும். (வாசல் வேறு: வாசலுக்குச் சென்றடையும் வழியின் ஆரம்பம் வேறு)

பாபு  கோதண்டராமனின் ஒரு இடைச் செருகல்:

வழி மேல் விழி வைத்து

அடி மேல் அடி வைத்து,

இனி JK கூறப்போகும்

விதிகளைப் பின்பற்றி

நம் மேல் நம்பிக்கை வைத்து

வெற்றியாளராக மாறுவோம்!

வெற்றி நம் கையில்!

-தொடரும்

அடுத்த இதழில்: 

மேலே சொன்ன ஒவ்வொரு வகைக்கும் எந்தெந்த மாதிரியான வழி(விதி)முறைகளைப் பின்பற்ற வேண்டுமென்று பார்ப்போம்.

About KaalaiyumKaradiyum
Trying to be a system trader; but the discretion takes over and the system goes for a toss. Just hangin in. You can make it Babu! Don't give up!

8 Responses to வணிகத்தின் விதிமுறைகள் (Trading Rules) – அத்தியாயம் 1

  1. பாபு, உங்களுக்கு தமிழில் மிகவும் பாண்டித்யம் உள்ளது.எதிர்பார்ப்புக்கும் மேலாக உங்களின் தமிழ் வலைபக்கம் சிறப்பாக அமைந்துள்ளது. அடுத்து என்ன என்று ஆவலுடன் எதிர்நோக்க வைத்துள்ளது.
    அன்புடன்
    சீனிவாசன்

  2. babu v n says:

    babu sir newers to market like me are very afraid of the terminalogy used in the market . but your language and the way of approach is very friendly and encourageble.i regularly watch your blog.and i attended your seminor in mse. it only gave me a confidence to be a fear free man.now i also become a lover of charts. thank you a lot

    • Dear Mr. Babu V N,
      I thank you for your kind words. I’m also glad that you find my blog and my MSE training sessions useful.
      திரு. V .N. பாபு அவர்களே!
      எனது வலைப்பூ மற்றும் MSE-யில் நடைபெற்ற எனது பயிற்சி வகுப்பும் பயனுள்ளதாக அமைந்தது என்ற தங்களின் கருத்துகளுக்கும் நன்றி.
      அன்புடன்,
      பாபு கோதண்டராமன்

  3. Pingback: வணிகத்தின் விதிமுறைகள் (Trading Rules) – அத்தியாயம் 7 « காளையும் கரடியும்

  4. janarthan says:

    வெற்றி நீங்கள்
    nanga வெற்றி kanbom nnjanarthan

  5. swamy says:

    Sir,

    Since i’m new to the market (not entering into it just prepare to enter ) i’m not able to catch your term LONG & SHORT;i hope is it BUY & SELL,

    Pls clarify

    Regards
    Swamy

இதப் பத்தி நீங்க என்ன நினைக்கிறீங்கன்னு இங்கே எழுதுங்க!

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: