Linear சார்ட்டில் ட்ரெண்ட்லைன் பிரேக்அவுட்; Log-இல்?


சிம்பிள்தான்!

நிஃப்டி 8800FebPE சார்ட்

2015 02 13 tamil NF8800pe will u trade this bo with divergence

 

 

2015 02 13 tamil NF8800pe log scale will u trade this bo with divergence

2015 02ALBK ஃப்யூச்சர் 30 நிமிட சார்ட்டில் ஒரு காஜு கட்லி இருக்கின்றது!


Kaju katli      இது டைமண்ட் பேட்டர்ன் என்று சொல்வார்கள். மேலே சென்றால், மேலேயும், சப்போர்ட்டை உடைத்துக் கீழே சென்றால், கீழேயும் செல்லலாம்!

2015 02 06 ALBK Fut 30 min diamond pattern

மேலே… அதுக்கும் மேலே…. அதுக்கும் மேலே…


ஹலோ!

என்னங்க! மார்க்கெட் “அதுக்கும் மேலே… அதுக்கும் மேலே”ன்னு சொல்லிக்கிட்டே இன்னமும் மேலே போய்க்கொண்டேயிருப்பதைப் பார்க்கும் போது, “அடடா! இது வரைக்கும் விட்டுட்டோமே! இப்பத்தான், இதுலத்தான், பக்கத்து வீட்டுக்காரன் சொத்தையெல்லாம் வித்தாவது நம்ம முதலீடு செஞ்சிட்டு, நிறைய (கொழுத்த) இலாபம் பார்க்கலாமே!”ன்னு நினைச்சிக்கிட்டிருக்கீங்களா? அப்படியே, நனைச்சிக் காய வையுங்க; ஷேர் மார்க்கெட்டுல இந்த மாதிரி சமயத்துலதான் புதுசா முதலீடு செய்ய வர்றவங்க வந்து மாட்டிக்கிட்டு, நீண்ட கால முதலீட்டாளர்களுக்கு தங்களது முதலீட்டினை இலாபமாகக் கொடுத்து விடுகிறார்கள்.

புரியலைங்களா? கீழேயிருக்கும் கேள்விக்கு உங்களின் பதில் என்ன? அதுவும் நீங்க இப்போதான் பங்குச்சந்தை முதலீட்டுக்குப் புதியவரென்றால், கண்டிப்பா இந்தக் கேள்விக்கு நீங்க பதில் சொல்லோணும்! சரியா?

இவ்ளோ நாள் (வருஷம்) ஏறாத பங்குச்சந்தையா இப்போது ஏற்றத்திலிருக்கின்றது?

“அச்சம் தவிர்! உச்சம் தொடு!” என்பது போல காளைகளின் ஆதிக்கம் இப்போது 8500-8600 புள்ளிகளில் நிஃப்டியினைக் கொண்டு சென்றுள்ளது. கீழேயிருக்கும் படத்தினைப் பாருங்கள்!

Nifty movements

இத்தனை வருடங்களும் பங்குச்சந்தை உயிரோட்டமாக இருந்து கொண்டுதானிருந்திருக்கின்றது. (ஷ்…அப்பாடா! எப்படியோ இந்த ஒரு நீளமான வார்த்தையை எழுதி விட்டேன்) ஆனால், அது நமது கவனத்தினை ஈர்க்கவில்லையே! தற்போது நிஃப்டி 8600-ஐத் தொட்டுள்ள நிலையில்தான் நம்மில் பலரும் பங்குச்சந்தையினைப் பார்க்க ஆரம்பித்துள்ளோம். அதுவும், அக்கம் பக்கத்தினர் சொல்லக் கேட்டோ, அல்லது அலுவலக நண்பர்கள் சொல்லக் கேட்டோ, அதுவுமில்லாமல் வேறு வழிகளில் பார்த்தோ, கேட்டோ “எப்படியாவது இதிலே முதலீடு செய்யவேண்டும்; சீக்கிரமே லட்சாதிபதி, கோடீஸ்வரன் என்றெல்லாம் ஆகவேண்டும்” என்கின்ற எண்ணம் உங்களுக்கு வந்துள்ளதா? அதுவும் “கமாடிட்டி, கரன்சி (ஃபோரேக்ஸ் – Forex) மார்க்கெட்டில் அன்றாடம் ஒரு ஐந்நூறு அல்லது ஆயிரம் பார்க்க முடியுமாமே” என்று உங்கள் கைகள் நம,நமவென்று அரிக்கின்றனவா? “டிரேடிங்ல, அதுவும் ஆப்ஷன் டிரேடிங்ல கொஞ்சமா போட்டு, பெருசா பாக்கலாமாமே”ன்னு மனசு பட்டாம்பூச்சி மாதிரிப் பறந்துக்கிட்டேயிருக்கா?

அப்படின்னா….

Stop sign 01

அதுவும், புதுசா, நவீனமா, ஹாபி போல டிரேடிங் பண்ணலாமுன்னு ஐடியா உங்களுக்கிருக்குதா? அப்படியிருந்தா, இந்த மாதிரி எண்ணத்தையெல்லாம் தூக்கிப் போட்டுட்டு சும்மா, கம்னு இருங்க! ஆமாங்க! இது ரொம்ப ஆபத்தானது; அதனாலதான் சொல்றேன் “சும்மா, கம்னு இருங்க”!

சரி! வேற எப்படிங்க பங்குச்சந்தையில நான் “தொபூக்கடீர்”னு குதிக்கிறது?

பேஸ்ஸிவ் இன்வெஸ்டிங்க் ஸ்டைல் (Passive Investing Style)னு ஒண்ணு இருக்குதுங்க. அதுதாங்க நம்ம அப்பா, அம்மா போஸ்ட் ஆஃபிஸ்ல கட்டிட்டு வந்த ஆர் டி (RD) மாதிரி. அதாவது அதிகமா (ரூம் போட்டு) யோசிக்கத் தேவையில்லை; மாசம் பொறந்தா பணம் கட்டிடணும்.இதுக்கு இன்னொரு, நவீன காலப் பேருதான் SIP-எஸ் ஐ பி (சிஸ்டெமெடிக் இன்வெஸ்ட்மெண்ட் ப்ளான்)

அதே மாதிரிதான் மாசா, மாசம் நம்மால முடிஞ்சத குறிப்பிட்டா நல்ல கம்பெனிகளா வாங்கிப் போட்டுக்கிட்டேயிருக்கணும். இன்னைக்கு வாங்கிட்டு நாளைக்கே 30 – 40 பர்சண்ட் எதிர்பார்க்கக்கூடாது. அதுவும் சும்மா ஒரு வருசத்துக்கு, இரண்டு வருசத்துக்கு வாங்கிட்டு நிறுத்திடக்கூடாது.

“அப்படின்னா? எவ்ளோ நாளைக்கு வாங்கணும்? மூணு வருஷம்?”

“அதுக்கும் மேலே….!”

“அஞ்சு வருஷம்?”

“அதுக்கும் மேலே…..!

” பத்து வருஷம்? ”

அதுக்கும் மேலே….!”

பதினஞ்சி வருஷம்?

“ஆமாம்!”

ஓ மை காட்! பதினஞ்சி வருசத்துக்கு மாசா, மாசம் வாங்கணுமா?

ஆமாங்க! அதுதாங்க டிசிப்ளின்! அப்புறம் கம்பெனி தர்ற டிவிடெண்ட்டை வைத்தும் அப்படியே அதே பங்கினை வாங்கிக்கோணும்.

உதாரணம்

டி‌வி‌எஸ் மோட்டார் (இது முன்னர் டி‌வி‌எஸ்-சுஸுகி என்றிருந்தது)

*2000 ஜனவரியிலிருந்து ஒவ்வொரு மாதமும் ரூ.5,000/- (ரூபாய் ஐந்தாயிரம் மட்டும்) -திற்கு வாங்கினால் எப்படியிருக்கிறதென்று பார்க்கலாம். நான் கணக்கீடு செய்வதை சுலபமாக்க மாதக் கடைசியில் வாங்குவதாக அமைத்துள்ளேன். ஏனெனில், அமிப்ரோக்கரில் மாதக் கடைசியில் க்ளோஸிங் விலை என்னவென்று ஈசியாகக் கண்டுபிடிக்கலாம். எனவேதான் மாதக் கடைசியில் வாங்குகின்றேன்.

*டிசம்பர் 2014 வரை பதினைந்து வருடங்களுக்கு.

*வாங்கும்போது புரோக்கரேஜ், பல்வேறு வரிகளுக்காக 2% செலவீனங்களையும் கூட்டியுள்ளேன்.

*ஜனவரி 31, 2000 அன்று முடிவு விலை 490.85. இத்துடன் 2% செலவீனங்களைக் கூட்டிய பிறகு, நம்மால் 9 பங்குகளை மட்டுமே வாங்க முடியும். அதற்கான மொத்தச் செலவு ரூ. 4506/- அப்படி வாங்கிய பிறகு மீதமுள்ள தொகை 494.00

*இந்த மீதித் தொகையினை அப்படியே வைத்திருந்து அடுத்த மாதம் 5000+494=5,494/-க்கு எவ்வளவு பங்குகள் வாங்க முடியுமென்று பார்ப்பேன். இதில் வரும் மீதத் தொகையினை அதற்கடுத்த மாத 5,000/-த்துடன் சேர்த்துக் கொள்வேன்.

*எவ்வெப்போதெல்லாம் டிவிடெண்ட் (ஈவுத்தொகை) கொடுக்கிறார்களோ, அதனையும் 5,000/-த்துடன் சேர்த்துக்கொள்ளவேண்டும்.

*ஸ்ப்லிட் மற்றும் போனஸ் பங்குகளும் இந்தக் கணக்கிலடங்கும்.

*டி‌வி‌எஸ் மோட்டார் நிறுவனத்தின் பங்குகள் 2000 ஜூன் மற்றும் ஜூலை மாதங்களில் NSE-யில் வர்த்தமாகவில்லை போலும். அப்போதுதான் டி‌வி‌எஸ் நிறுவனம், சுஸுகி நிறுவனத்திடமிருந்து பிரிந்து வந்தது. அந்த 2 மாதம் x 5,000/-த்தினை ஆகஸ்ட் மாதம் உபயோகித்துள்ளேன்.

*கண்டிப்பாக இது ஓர் ஆய்வுக் கட்டுரைதான். டி‌வி‌எஸ்மோட்டார் பங்கினை வாங்கப் பரிதுரைக்கவில்லை. பங்குச்சந்தை முதலீடு ரிஸ்க்குகள் நிறைந்தது.

SIPping Stocks TVSMOTOR

என்னங்க? இதைப் பார்த்தவுடன், “நா……. ன்…. மெரசலாயிட்டேன்….”னு பாடத் தோணுதா? 2000-த்திலிருந்து 2014 வரை எத்தனை பாராளுமன்றத் தேர்தல்கள்? எத்தனை மாநிலத் தேர்தல்கள்? எத்தனை ஆட்சி மாற்றங்கள்? குரூட் ஆயில், டாலர், யூரோ, மெட்டல் விலைகளில் எத்தனையெத்தனை மாற்றங்கள்? ஆனால், இந்த SIP முறை முதலீட்டின் பலன்களை/பலங்களைப் பாருங்கள்!

இந்த மாதிரியான ஒரு கட்டுப்பாடான முதலீட்டாளராக உருவாக முயற்சி செய்யுங்கள்! புதியவர்களுக்கு டிரேடிங் வேண்டாமே!

அடுத்த கட்டுரையில் இன்ஃபோஸிஸ் நிறுவனத்தில் SIP முதலீடு எவ்வாறு இருந்திருக்குமென்று பார்க்கலாம்.

அன்புடன்,

பாபு கோதண்டராமன்

 

 

 

 

 

 

 

காளையும் கரடியும் 2013 பாண்டிச்சேரி: நாள் 1 20131130 ஒரு சில புகைப்படங்கள்!


ஹலோ நண்பர்களே!

DSC_0329

கடந்த இரு நாட்களும் எனக்கொரு புதிய அனுபவமாக இருந்தது! ஆமாம்! இந்த செமினாரின் சிறப்புவிருந்தினார்களான திரு ஸ்ரீராம் மற்றும் திரு. கிருஷ்ணகுமார் அவர்கள் காலை 4 மணியளவில் சென்னையிலிருந்து புறப்பட்டு வந்துள்ளனர்; மதுரைலிருந்து க்ரிஷ் வெங்கடேஷ் அவர்கள் இரவுப்பயணமாக காலை 6 மணியளவில் ஹோட்டலுக்கு வந்து சேர்ந்தார்.

விழாவினைச் சிறப்பிக்க வந்திருக்கும் மும்மூர்த்திகள்! (இடமிருந்து வலம்) திரு. B. ஸ்ரீராம், திரு. கிருஷ்ணகுமார், திரு. க்ரிஷ் வெங்கடேஷ்

விழாவினைச் சிறப்பிக்க வந்திருக்கும் மும்மூர்த்திகள்! (இடமிருந்து வலம்) திரு. B. ஸ்ரீராம், திரு. கிருஷ்ணகுமார், திரு. க்ரிஷ் வெங்கடேஷ்

என்னுடைய மனமார்ந்த நன்றிகள் இவர்கள் மூவருக்கும்!

சில பங்கேற்பாளர்கள் சேலம், சென்னையிலிருந்து வெள்ளி இரவே வந்து சேர்ந்தனர்; ஈரோடு, திருச்செங்கோடு, திருத்தணி முதலிய இடங்களிலிருந்தும் இரவுப்பயணமாக காலையில் வந்து சேர்ந்தனர். மேலும் பல சென்னை பங்கேற்பாளர்கள் சென்னையிலிருந்து, குறிஞ்சிப்பாடி, கடலூர், புதுச்சேரி முதலிய இடங்களிலிருந்தும் விடியலில் புறப்பட்டு வந்து சேர்ந்தனர்.

வழிகாட்டும் நிகழ்ச்சிக்குச் செல்லும் வழி!

வழிகாட்டும் நிகழ்ச்சிக்குச் செல்லும் வழி!

வரவேற்பு அறிவிப்புப் பலகை!

வரவேற்பு அறிவிப்புப் பலகை!

குத்துவிளக்கேற்றி வைத்து நிகழ்ச்சி தொடங்கியது!

அடியேன்தானுங்க!

அடியேன்தானுங்க!

அன்புடன், பாபு கோதண்டராமன்

(தொடரும்)

செஸ், கிரிக்கெட் மற்றும் காளையும் கரடியும் 2013


ஹலோ!

விஸ்வநாதன் ஆனந்த் அவர்களின் செஸ் சாம்பியன்ஷிப் 3 மற்றும் 4-ஆம் ஆட்டங்கள் மிகவும் விறுவிறுப்பாகவும், பரபரப்பாகவும் நடந்து முடிந்துள்ளன. டி‌வி வர்ணனையாளர்கள் கம்ப்யூட்டர்களை வைத்து சொல்லும் ஒரு சில மூவ்களையே ஒரு சில சமயங்களில் இவர்கள் (ஆனந்தும், கார்ல்சனும்) ஆடினாலும், பல சமயங்களில் புது வித வேரியேஷன்களை ஆடி நம்மைப் பரவசப் படுத்துகிறார்கள். மூன்றாவது ஆட்டத்தில் ஆனந்த் கருப்பு நிறக்காய்களுடன் விளையாடியபோது, “இப்போது ரெபெட்டிவ் மூவ் (மூன்று முறை ஒரே மாதிரியான நகர்த்துதல்கள்) ஆடி டிரா செய்யும் நிலைதான் இருக்கிறது” என்று வர்ணனையாளர்கள் சொல்லிக்கொண்டிருக்கும்போதே, நீண்ட யோசனைக்குப் பிறகு கார்ல்சனின் ராணியை h1 கட்டத்திற்கு நகர்த்தி ஆட்டத்தினை விறுவிறுப்பாக்கினார். நான்காவது ஆட்டத்திலே ஒன்டே கிரிக்கெட் போன்றதொரு ஆட்டத்தினை ஆடினார்கள். அத்தனை சுவாரஸ்யம்!

யார் சொன்னது செஸ் ஒரு விறுவிறுப்பில்லாத ஆட்டமென்று? விஷி ஆனந்த் வெற்றியடைய நமது வாழ்த்துக்களைத் தெரிவிப்போம்!

Vishy with mom

அடுத்ததாக நமது மண்ணின் மைந்தர் இன்னொருவரும் சரித்திரம் படைத்துக் கொண்டிருக்கிறார். அவர்தான் நமது சச்சின்! அவர் ஓய்வு பெறப்போவதாக அறிவித்ததிலிருந்து, இன்றைய மும்பை டெஸ்ட் ஆட்டத்திற்கு எத்தனை எதிர்பார்ப்புகள்! அவரும் ஒரு சரித்திர நாயகன்தான்! ஆனந்த் மற்றும் சச்சின் ஆகியோரின் கால கட்டதில்தான் நாமும் இருக்கின்றோம் என்பதில் பெருமைப்படுகின்றேன்!

SRT200 2 SRT200 1

அடுத்ததாக நமது பாண்டிச்சேரி “காளையும் கரடியும் 2013” நிகழ்ச்சிக்கு வருவோம். சென்ற ஞாயிறு வெளிவந்த நாணயம் விகடனிலும் மறுபடியும் ஒரு விளம்பரம் கொடுத்திருக்கின்றேன். நிறைய பேர் என்னைத் தொடர்பு கொண்டு இந்தக் கருத்தரங்கத்தில் கலந்து கொள்ள விருப்பம் தெரிவித்துள்ளனர். ஒரு சிலர் பணம் செலுத்தி பதிவும் செய்து கொண்டுள்ளனர்.

 

அன்புடன்,

பாபு கோதண்டராமன்

 

நாணயம் டாட் காமில் எனது ரிலையன்ஸ் அலசல்!


ஹலோ!

படித்துப் பார்த்து, எவ்வளவு தேறுமென்று அங்கேயே மார்க் போடுங்களேன்!

எது நன்றாக இருந்தது; எது நன்றாக இல்லை என்றெல்லாம் கொஞ்சம் சொன்னீர்களேயானால், அடுத்து வரும் கட்டுரைகளுக்கு உதவியாக இருக்கும்.

மேலும் படிக்க இங்கே கிளிக்கடவும்

அன்புடன்,

பாபு கோதண்டராமன்

நாணயம் விகடன் டாட் காமில் எனது ITC அலசல்


ஹலோ!

இந்த முதலிரண்டு படங்களும் ஐ‌டி‌சியின் அபார வளர்ச்சியினைக் காட்டுகின்றனவாக அமைந்துள்ளன.

18 மாதங்களில் 125% வளர்ச்சியும், அதிலேயே zoom

செய்யப்பட ஏழு மாதங்களில் 60% வளர்ச்சியுமாக, செப்டம்பர் ’11-இல் 181 லெவலைத் தொட்ட விலை,

அதற்குப் பின்னர் 165 என்ற லெவல் வரை இறங்கி வந்துள்ளது. இந்த

மேலும் படித்திட இங்கே கிளிக்கிடவும்

உங்களது மேலான கருத்துக்களை அங்கேயே தயவு செய்து பதிவு செய்யவும்! நன்றிகள்!

அன்புடன்,

பாபு கோதண்டராமன்