2015 02ALBK ஃப்யூச்சர் 30 நிமிட சார்ட்டில் ஒரு காஜு கட்லி இருக்கின்றது!
February 7, 2015 Leave a comment
இது டைமண்ட் பேட்டர்ன் என்று சொல்வார்கள். மேலே சென்றால், மேலேயும், சப்போர்ட்டை உடைத்துக் கீழே சென்றால், கீழேயும் செல்லலாம்!
வயிற்றுக்கும், தொண்டைக்கும் உருவமிலா ஒரு உருண்டையும் உருளுதடி…. நன்றி: கவிப் பேரரசு வைரமுத்து.
February 7, 2015 Leave a comment
இது டைமண்ட் பேட்டர்ன் என்று சொல்வார்கள். மேலே சென்றால், மேலேயும், சப்போர்ட்டை உடைத்துக் கீழே சென்றால், கீழேயும் செல்லலாம்!
August 31, 2013 4 Comments
விளக்கங்கள் படத்திலேயே!
அன்புடன்,
பாபு கோதண்டராமன்
August 31, 2013 1 Comment
“கற்றுக்கொள்ள வேண்டுமென்று நினைத்தால், உங்களை யாராலும் தடுத்து நிறுத்த முடியாது;
கற்றுக்கொள்ள மாட்டேனென்று அடம் பிடித்தால், யாராலும் உங்களுக்குக் கற்றுக் கொடுக்க முடியாது”
– நன்றி: இன்டர்நெட்
ஒவ்வொரு வருஷமும் இந்த பப்ளிக் எக்ஸாம் எழுதற பத்தாம் வகுப்பு மற்றும் பிளஸ் டூ மாணவ, மாணவிகளைப் பாத்தீங்கன்னா, டியூஷன் போக ஆரம்பிச்சுடுவாங்க. அன்றாடம் காலையும், மாலையும் வகுப்புகளிருக்கும். கடைசி மூன்று, நான்கு மாதங்களுக்கு மாடல் டெஸ்ட், எக்ஸாம்-ஆக எழுதிக் கொண்டிருப்பார்கள். இப்படியெல்லாம் படித்து, எழுதுவதால் ஒவ்வொரு மாணவ, மாணவியரின் திறமையும் (அவர்களின் கெப்பாஸிட்டிக்கேற்ப) ஒரு 10%-15% உயர்கிறது. இதிலேயே ஒரு சிலரைப் பார்த்தீங்கன்னா, 25%முதல் 30% வரை தங்களின் திறமையை வளர்த்துக் கொள்கிறார்கள். இவர்கள் தங்களது சொந்த முயற்சியில், கூடுதல் அக்கரையெடுத்து, பாடங்களை நன்கு புரிந்துகொண்டு, வீட்டிலும் கொஞ்சம் அதிகமாகக் கவனம் செலுத்தி தங்களது திறன்களை வளர்த்துக் கொள்கிறார்கள். வெகு சிலரோ மாநில, மாவட்ட அளவிலே உயர் தகுதி நிலைகளை அடைகிறார்கள்.
“என்னங்க? டெக்னிக்கல் அனாலிசிஸ் கத்துக்கொடுப்பீங்கன்னு பார்த்தால், ஏதோ பப்ளிக் எக்ஸாம் பத்தியெல்லாம் சொல்றீங்களே!”ன்னு கேக்குறீங்களா? வெயிட்; வெயிட்! இரண்டுக்குமே சம்பந்தம் இருக்குதுங்க. அனைவருக்கும் ஒரே சிலபஸ்ஸாக இருந்தாலும், ஒவ்வொருவரின் முயற்சி, திறமை, அணுகுமுறைக்கேற்பத்தான் மாணவ, மாணவிகளில் வெற்றி வாய்ப்புகள் அமைகின்றன.
அதே போல மார்க்கெட் ஒன்றாக இருந்தாலும், இண்வெஸ்டர்கள்/டிரேடர்கள் தேர்ந்தெடுக்கும் பங்குகள், முதலீட்டுச் சாதனங்கள் (FnO, கேஷ் மார்க்கெட், கமாடிட்டி, ம்யூச்சுவல் ஃபண்ட்), வணிகம் செய்யும் உத்திகள், முதலீடு மற்றும் வேறு பல காரணிகள்தான் ஒவ்வொரு முதலீட்டாளரின் வெற்றி, தோல்வியின் அளவுகளை தீர்மானிக்கின்றன.
ஃபண்டமண்டல் அனாலிசிஸ் / டெக்னிக்கல் அனாலிசிஸ் முதலான விஷயங்களை வைத்து பங்குச்சந்தையில் முதலீடு செய்கிறார்கள். இவையிரண்டுமே, ஒரு 75% சாமான்ய முதலீட்டாளர்களுக்கு கொஞ்சமும் புரிவதில்லை. இரண்டுமே கொஞ்சம் டிரை (dry) சப்ஜெக்ட்கள்தான். நிறைய புத்தகங்கள் வாசித்து, நெட்டில் படித்து, பேஸ்புக் வீடியோக்கள் பார்த்து, ஒரு சில பயிற்சி வகுப்புகளில் சேர்ந்து படித்தாலும் “ஏட்டுச் சுரைக்காய் கறிக்கு ஆகாது” என்பது போல, டிரேடிங்-கில் உதவுவது போலத் தெரியவில்லை. இதற்கென்ன காரணம்?
இந்த சப்ஜெக்ட்கள் எல்லாம் dry-ஆக இருந்து, படிக்க ஆரம்பிக்கும்போதே பிடிக்க மாட்டேன் என்கிறதல்லவா? இப்போது நான் உங்களுக்கு ஒரு ரொம்பவும் சிம்பிளான பயிற்சி கொடுக்கின்றேன். முயன்று பாருங்கள்! டெக்னிக்கல் அனாலிசிஸ் மீது உங்களுக்கு ஒரு காதல் (……….. ஆமாங்க, காதல்தான்!) வருகிறதாவென்று பாருங்கள். வரும்: கண்டிப்பாக வரும். வரணும்! (நாட்டாம! தீர்ப்ப மாத்திச் சொல்லு)
டெக்னிக்கல் அனாலிசிஸ்-ஐ எப்படி சுவாரஸ்யமாக இருக்குமாறு மாற்றி உங்களுக்குப் பயிற்சி கொடுப்பது என்று யோசித்தபோதுதான் (ரூம் போட்டுத்தான் யோசித்தேனுங்க! அதுவும் “மாத்தி யோசி” மாதிரி. 🙂 ) “ஹையா! இது நல்லாருக்கே!”ன்னு தலைக்கு மேலே ஒரு பல்ப் எறிஞ்சிதுங்க!
கடந்த ஜூலை 19-ஆந்தேதியன்று கீழேயிருக்கும் TCS I Hourly chaart போட்டு இந்த கப் அண்ட் ஹாண்டில் பேட்டர்ன் பார்த்தீர்களாவென்று கேட்டிருந்தேன்.
இப்போது இதே TCS I-இன் இன்றைய நிலையை, Hourly-க்குப் பதிலாக டெய்லி சார்ட்டில் பார்க்கலாம். Hourly-யில் இருந்த அதே மசாலாதான் (8EMA மற்றும் 34EMA-க்கள்) டெய்லியிலும் உள்ளன.
என்ன தெரிகிறது? இரண்டாவது படத்திலே 2013 மார்ச் வரையிலும் மேலே சென்ற பங்கானது, ஜூலை வரையிலும் 34EMA-வைச் சுற்றி, சுற்றி வந்தே டூயட் பாடிக் கொண்டிருந்தது. ஜூலையில் மேலே சென்றது, ஆகஸ்ட்டில் கீழே வந்து, 34EMA-வைத் தொட்டுவிட்டு, ரிஜக்ட் ஆகி, மறுபடியும் மேலே சென்றுவிட்டது (என் வழி … தனி வழி… என்பது போல!)
(அது சரிங்க! அஞ்சு மாசமா ஒண்ணா சுத்தித் திரிஞ்சிக்கிட்டிருந்த இந்த ரண்டு பேரும் – அதுதாங்க விலையும், 34EMA-வும்- ஆகஸ்ட்டிலிருந்து ஏங்க பிரிஞ்சிட்டாங்க? 34EMA-வானது விலையை ஏனிப்படித் துரத்தியடிக்குது? ஏதாவது கசமுசாவா?)
“யோவ் .. பெருசு! இந்த வயசான காலத்துல உனக்கேன்யா இந்த அக்கப்போர்”னு சொல்றீங்களா! 🙂
இனிமேல் உங்களோட இண்டரெஸ்ட்தாங்க! உடனே சார்ட்டப் பாருங்க; 34EMA லைன் போடுங்க. ஸ்டாக் டிரெண்டில் இருக்கும்போதும், சைட்வேஸ் மார்க்கெட்டில் இருக்கும்போதும் 34EMA விலையை என்ன செய்கிறதென்பதை நோட் பண்ணுங்க! நிஃப்டி ஃபிஃப்டி ஸ்டாக்ஸ் பாத்தாலே போதுங்க! இந்த சூட்சுமம் நன்றாக விளங்கும்.
நீங்க ரெடியா?
அன்புடன்,
பாபு கோதண்டராமன்
இது போதுமா? இன்னும் கொஞ்சம் வேணுமா? உங்களுக்கு இதைப் படிச்சிட்டு, சார்ட்டெல்லாம் 34EMA வச்சிச் செக் பண்ணிட்டப்புறமும், இண்டரெஸ்ட் ரொம்ப அதிகமா இருந்துச்சின்னா, 34-ஐ, 13, 21, 55 அப்படீன்னு மாத்திப் போட்டெல்லாம் மறுபடியும் செக் பண்ணுங்க! என்ஜாய்!
August 11, 2013 13 Comments
அந்த மாதிரி எதுவும் இருந்திருந்தா…. டாடா, பிர்லா, அம்பானிங்க எல்லோருமே ஒரு 20, 30 கம்ப்யூட்டர் வாங்கி, ஒரு 40, 50 பேர வேலைக்கு வச்சிக்கிட்டு, அவங்க கிட்ட இருக்குற காசு எல்லாத்தையுமே கொட்டி ஷேர் மார்க்கெட்டிலேயே பணத்தை சம்பாதிச்சிட மாட்டாங்களா?
அவ்வளவு ஏன்? விஜய் மல்லையாவும் கிங் ஃபிஷர் ஏர்லைன்ஸ் நஷ்டத்தை இங்கே டிரேட் செய்து ஈடு கட்டியிருக்க மாட்டாரா என்ன?
ஆனால், ரீடெயில் (retail) முதலீட்டாளர்களாகிய நாம்தான் இதையெல்லாம் புரிந்து கொள்ள மறுக்கின்றோம். யாரேனும் எடுத்துச் சொன்னாலும், (“இவ்ளோ நல்லவரா நீங்க?” என்பது மாதிரி) அவர்களை ஏற, இறங்க ஒரு லுக் விடுகின்றோம்.
இந்த “சொல்ற பேச்சக் கேக்காம இருக்குறதுக்கு” ஒரு உதாரணம் நினைவுக்கு வருகிறது. இது ஒரு கிளாசிக். ஏன்னாக்கா, சொந்தக் காசிலேயே சூன்யம் வச்சிக்கிட்டது இது, அப்படியே கொஞ்சம் “ஒயிங்க்,, ஒயிங்க்,,,னு சக்கரம், சக்கரமா கோடுங்க எல்லாம் சுத்திக்கினே ஒரு சின்ன ஃபிளாஷ்பேக்”
2007 இறுதி: 2008 ஜனவரி – மார்க்கெட் ரொம்ப நல்லா ஏறிக்கொண்டேயிருந்த நேரம். நாமெல்லாம் எதை வாங்கினாலும் அது இலாபத்திலேயே மேலே, மேலே சென்றது. நிறைய, நிறைய IPO-க்களும் வந்து கொண்டேயிருந்தன. எல்லாமும் இலாபத்தில்தான் லிஸ்ட் ஆகின. அப்போதுதான் RELIANCE POWER (ரிலையன்ஸ் பவர்) என்ற ஒரு மாபெரும் IPO-வும் வந்தது. எங்கேயும் (பாங்க், இன்சூரன்ஸ் பிரிமியம் கட்டும்போது லைனில் நின்றவர்கள், ஆட்டோ ஓட்டுனர்கள், என்றெல்லாம்) யாரைப் பார்த்தாலும், எந்த டிவி சேனலைத் திருப்பினாலும், தினசரிகள், வார, மாத இதழ்கள் எல்லாவற்றிலும் இதைப் பற்றிய பஜனைதான். ஆனால், ஒரு சில நிபுணர்கள் மட்டுமே, “இந்த நிறுவனம் இன்னமும் தனது ஆலைகளை நிறுவவில்லை. இதற்கு வருமானமும் வர நான்கைந்து ஆண்டுகள் ஆகும். எனவே, இதில் முதலீடு செய்வதைத் தவிர்க்கலாம்” என்று எச்சரித்திருந்தார்கள். ஒரு சிலரோ, “இது சுடப்படாத ஒரு செங்கல்லை, ஜிகினாத் தாள் கொண்டு கவர் செய்து, அலங்காரமெல்லாம் செய்து கொடுக்கப்படும் ஒரு கிஃப்ட் மாதிரிதான். எனவே இதில் உங்களின் முதலீட்டைத் தவிர்த்துவிடுங்கள். இந்தக் கல் சூளையில் சுடப்பட்டு, செங்கல்லாக மாறி, அதன் பிறகு கட்டப்பட்டு, முடிக்கப்பெறும் வீடுதான் உங்களுக்குத் தேவை. அதற்காக இப்போதே இந்த சுடப்பதாத செங்கல்லை வாங்குவீர்களா?” என்றும் கடுமையாக, ஆனால் அழகான உவமானத்துடன் எச்சரித்தார்கள்.
ஆனால், நாமெல்லாம் கேட்டோமா? கெட்டோம்தான்; இதில் முதலீடு செய்து கெட்டோம்தான். அதிலும் நம்மில் பலரும், இந்த IPO-விற்காகவே, வீட்டிலிருக்கும் நண்டு, சிண்டுகள் பேரிலெல்லாம் பான் கார்ட் வாங்கி, டீமாட் கணக்குத் துவங்கி, எல்லோரது பெயரிலேயும் அப்ளை செய்தோமே! (அப்போதுதான் அடுத்தவனை விட நமக்கு அதிகமாக ஒதுக்கீடு கிடைக்குமென்று!). IPO லிஸ்டிங் ஆன பிறகு அந்த நிறுவனப் பங்கின் விலை எப்படி சென்றதென்று நாமனைவரும் அறிந்த ஒன்றே!
அந்த ஒரு IPO-வே நம்மில் பலருக்கும் சிறந்ததோர் ஆசானாக இருந்தது என்று சொன்னால் அது மிகையாகாது. நான் அதில் நிறையவே கற்றுக்கொண்டேன்.
ஃபிளாஷ்பேக் முடிஞ்சிடிச்சிங்க!
கம்மிங்க் பேக் டூ தி டாபிக், நாம் கற்றுக்கொள்வதில்தானிருக்கிறது நமது வெற்றி, தோல்விகள். அதற்காகத்தான் சென்றவாரம் நான் ஒரு பயிற்சி வகுப்பையும் மெட்ராஸ் ஸ்டாக் எக்ஸ்சேஞ்சில் நடத்தினேன். ஆதரவு தெரிவித்த அனைவருக்கும் எனது நன்றிகள்.
அதன் தொடர்ச்சியாக மேலும் பலரும் என்னைத் தொடர்பு கொண்டு வேறு எப்போது வகுப்புகள் நடைபெறும் என்றும் கேட்டுள்ளீர்கள். கான்பரன்ஸ் ஹால் வாடகைக்கு எடுத்து வகுப்புகள் நடத்துவதென்பது ஒரு மாபெரும் சவாலாக உள்ளது.
அதனை ஈடு கட்டவே, நாம் ஏன் இண்டெர்நெட்டை உபயோகிக்கக்கூடாது என்று ஒரு சில நண்பர்கள் தெரிவித்த யோசனையின்படி ஆன்லைனிலேயே ஸ்கைப் மற்றும் டீம்வியூவர் (teamviwer) கொண்டு பயிற்சி வகுப்புகள் நடத்தவும் ஆரம்பித்து விட்டேன்.
Beginners: (இளநிலை முதலீட்டாளர்கள் – அதாவது முதல் முதலில் பங்குச் சந்தைக்குள் காலடி எடுத்து வைப்பவர்களுக்கு)
a) Basics of Fundamental analysis: (ஃபண்டமண்டல் அனாலிசிஸ்) (3 மணி நேரம்) – Quaterly reports, PBT, PAT, QoQ, YoY, IPO, EPS, PE, Bonus Issue.
b) Introduction to Technical analysis: (டெக்னிக்கல் அனாலிசிஸ்) ட்ரெண்ட் லைன், சப்போர்ட் & ரெஸிஸ்டன்ஸ், டிமாண்ட் & சப்ளை, சார்ட் பேட்டர்ன்கள் (3 மணி நேரம்)
3×5 EMA CO ஸ்ட்ராடஜி (3 மணி நேரம்) – பாங்க் நிஃப்டி, நிஃப்டி ஃப்யூச்சர்ஸ் EOD முறையில், சார்ட் பார்க்காமல் டிரேட் செய்யலாம்.
34EMA ரிஜக்ஷன் ஸ்ட்ராடஜி (4 மணி நேரம்) – சார்ட் பார்த்து இண்ட்ராடே / ஸ்விங்க் டிரேட் செய்ய ஏற்றது.
விருப்பமுள்ளவர்கள் என்னை 97 8989 6067 என்ற எண்ணிலோ, babukothandaraman@gmail.com என்ற முகவரியிலோ தொடர்பு கொள்ளலாம்.
அன்புடன்,
பாபு கோதண்டராமன்
July 21, 2013 Leave a comment
ஹலோ!
பங்குச்சந்தையில் பங்குகளின் சார்ட்டுகளைப் பார்க்கும்போது பல்வேறு விதமான அமைப்புகள் (பேட்டர்ன்கள்) தெரிவதுண்டு.
ஹெட்&ஷோல்டர் (ஷாம்பூவேதான் 🙂 ), தலைகீழ் ஹெட்&ஷோல்டர், முக்கோணங்கள், வெட்ஜ்(wedge) போன்றவைகளுடன் cup&handle (கப் & ஹாண்டில்) என்கின்ற அமைப்பும் ஒரு முக்கியமான அமைப்பாகக் கருத்தப்படுகிறது.
கீழேயிருக்கும் TCS Fut-இன் hourly சார்ட்டினைப் பாருங்கள். படத்திலேயே இந்த அமைப்புக்கான இலாபத்தைக் கணக்கிடும் முறையையும் கொடுத்துள்ளேன். இதிலே என்ன விசேஷமென்றால், 34EMA ரிஜக்ஷன் ஸ்ட்ராடஜியும் வொர்க் அவுட் ஆகிறது. பேட்டர்ன் + ஸ்ட்ராடஜி = ஒரு சூப்பர் காம்பினேஷன்.
என்ஜாய்!
அன்புடன்,
பாபு கோதண்டராமன்
July 19, 2013 Leave a comment
ஹலோ!
ஒரு டே டிரேடர் என்றால், நாள் பூராவும் டிரேடிங் செய்துகொண்டேதான் இருக்கவேண்டுமா? நீண்ட நாளைய முதலீட்டாளர் என்றால் எப்போதாவது ஒரு சில தடவைகள்தான் பங்குகள் வாங்க வேண்டுமா?
இவர்கள் யாரும் பொசிஷன் டிரேடிங் செய்யலாமா?
கண்டிப்பாகச் செய்யலாம். கீழேயிருக்கும் SESAGOA Fut சார்ட்டினைப் பாருங்கள். இரண்டு SELL மற்றும் ஒரு BUY கண்டிஷன்கள் உருவாகி, இவை மூன்றிலும் பிராஃபிட்டும் (நல்லபடியாக) எடுக்கப்பட்டுள்ளது. இதிலே கவனிக்க வேண்டிய விஷயம் என்னவென்றால், இரண்டாவது SELL & பிராஃபிட் எடுத்தபிறகு, அடுத்த BUY வரும் வரை நாம் எதுவும் டிரேட் எடுக்கவில்லை. ஏனெனில், நமது சிஸ்டம் நம்மை எந்த டிரேடும் எடுக்கச் சொல்லவில்லை.
இதுபோல சிஸ்டத்தின் விதிமுறைகளின் படி டிரேட் எடுக்குமாறு விதிகள் கூறும்போது டிரேட் எடுப்பதும், மற்ற சமயங்களில் டிரேட் செய்யாமலிருப்பதும் ஒரு நல்ல டிரேடருக்குறிய சிறப்பம்சம்தானே!
அடுத்த படமான TATASTEEL-I-இல் பார்த்தால் அனைத்தும் SELL என்ட்ரிகள்தான். அதுவும் நான்காவது SELL-இன்போது ஸ்டாப்லாஸ் அடித்து, மறுபடியும் ஒரு டிரேட் நல்லபடியாக அமைந்துள்ளதைப் பார்க்கலாம்.
July 12, 2013 8 Comments
ஹலோ!
நான் இதுவரையிலும் சில, பல டிரேடிங் ஸ்ட்ராடஜிகள் பற்றி இங்கே உங்களுடன் பகிர்ந்து கொண்டிருக்கின்றேன். உங்களில் பலரும் என்னைத் தொடர்பு கொண்டு,அவற்றினைப் பற்றிப் பல்வேறு சந்தேகங்களையும், விளக்கங்களையும் பரிமாறிக் கொண்டு, தெளிவு பெற்று டிரேட்-உம் செய்து வருகிறீர்கள். மேலும் சிலர், “இதைப்பற்றிய விளக்கங்களை நீங்கள் ஒரு வகுப்பு நடத்தி, பயிற்சி கொடுங்களேன்!” என்றும் என்னை அன்புத்தொல்லை கொடுத்து வருகிறீர்கள்.
இதனால், 3×5 EMA க்ராஸ்ஓவர் மற்றும் 34EMA ரிஜக்ஷன் ஆகிய இரண்டு ஸ்ட்ராடஜிகள் பற்றியும் ஒரு பயிற்சி வகுப்பின் வழியாக உங்களுடன் கலந்துரையாடலாமென்றிருக்கின்றேன்.
இடம்: மெட்ராஸ் ஸ்டாக் எக்ஸ்சேஞ்ச் வளாகம். 4-வது மாடி, எண்-30, செகண்ட் லைன் பீச் (Second Line Beach), சென்னை – 600001. (சென்னை பீச் இரயில் நிலையம் & பர்மா பஜார் அருகில், தலைமைத் தபால்நிலையம் பின்புறம்)
நாள்:04 ஆகஸ்ட் 2013 – காலை 9:30 மணி முதல் மாலை 5:00 மணி வரையிலும்
9:30 -10:45 am: டெக்னிக்கல் அனாலிசிஸ் – ஒரு மேற்பார்வை (ட்ரெண்ட்லைன், சப்போர்ட், ரெஸிஸ்டன்ஸ், ட்ரெண்டிங் மார்க்கெட் & பக்கவாட்டு (sideways) மார்க்கெட்)
10:45am-11:05am: தேநீர் இடைவேளை
11:05am – 12:45pm: 34 EMA ஸ்ட்ராடஜி (ஸ்டாக்குகள் மற்றும் இன்டெக்ஸ்களுக்கானது. சார்ட் பார்த்து டிரேட் செய்ய வேண்டிய ஸ்ட்ராடஜி). ட்ரெண்டிலிருக்கும் ஸ்டாக்குகளில் என்ட்ரி கண்டுபிடித்து பொசிஷன் எடுக்க உதவுகிறது.
12:45pm – 1:30pm: மதிய உணவு
1:30pm – 3:15pm: 3×5 ஸ்ட்ராடஜி (பாங்க் நிஃப்டி & நிஃப்டிக்கு ஏற்றது EOD முறையில். சார்ட் பார்க்க வேண்டிய அவசியமில்லை. இன்றைய முடிவு விலை மூலம், Ms Excel முறையில் அடுத்த நாளைக்கான ரிவர்ஸல் பாயிண்ட் கணக்கிடப்பட்டு, காலை 9:30 மற்றும் மாலை 3:10 மணிக்கு மட்டும் மார்க்கெட் பார்த்தால் போதும். நாள் பூராவும் பார்த்துக் கொண்டிருக்கத் தேவையில்லை. முழுநேர வேலை செய்பவர்கள், இல்லத்தரசிகளுக்கு ஏற்ற ஸ்ட்ராடஜி. டிரேடர்களும் இந்தப் புதிய ஸ்ட்ராடஜியை தங்களது போர்ட்ஃபோலியோவில் சேர்த்துக்கொள்ளலாம். இந்த Ms Excel ஃபைல் உங்களுக்கு இமெயில் மூலம் அனுப்பி வைக்கப்படும்)
3:15pm 03:35pm: தேநீர் இடைவேளை
3:35pm – 5:00pm: இந்த இரண்டு முறைகளிலும் எவ்வாறு டிரேடிங் செய்வது என்ற simulated டிரேடிங் செஷன் (simulated trading session) மற்றும் கேள்வி நேரம்
Bank Nifty |
2008 |
2009 |
2010 |
2011 |
2012 |
2013 மே வரை |
Intraday trades |
19 |
21 |
22 |
19 |
30 |
8 |
System Trades |
34 |
38 |
30 |
43 |
37 |
19 |
Brokerage paid |
7950 |
8850 |
7800 |
9300 |
10050 |
4050 |
Intraday points loss |
-4597 |
-4125.1 |
-4209.4 |
-2919.3 |
-4838.8 |
-1495.6 |
System Gain / Loss |
10470.8 |
8128.87 |
7396.63 |
5582.8 |
7573.96 |
2771.77 |
Net Points Gain / Loss |
5873.76 |
4003.79 |
3187.27 |
2663.5 |
2735.18 |
1276.13 |
Rs Gain per Lot |
138894 |
91244.7 |
71881.7 |
57287.5 |
58329.5 |
27853.2 |
Nifty |
||||||
Intraday trades |
28 |
24 |
29 |
23 |
33 |
13 |
System Trades |
32 |
38 |
40 |
39 |
27 |
15 |
Brokerage paid |
9000 |
9300 |
10350 |
9300 |
9000 |
4200 |
Intraday points loss |
-3194.5 |
-2487.5 |
-1479.6 |
-2539.7 |
-2226 |
-683.34 |
System Gain / Loss |
4618.28 |
3199.77 |
2651.38 |
3488.44 |
2871.76 |
926.52 |
Net Points Gain / Loss |
1423.74 |
712.29 |
1171.82 |
948.74 |
645.76 |
243.18 |
Rs Gain per Lot |
62187 |
26314.5 |
48241 |
38137 |
23288 |
7959 |
Diff b/w BNF & NF |
76707 |
64930.2 |
23640.7 |
19150.5 |
35041.5 |
19894.2 |
Disclaimer:பங்குச்சந்தை முதலீடு ரிஸ்க்குகள் நிறைந்தது. முந்தைய காலத்தின் செயல் திறன் இலாபம் முதலானவை வருங்காலத்திலும் இருக்குமென்று கூற முடியாது. பங்கு வர்த்தகத்தில் உங்களுக்கு ஏற்படும் நஷ்டத்திற்கு இந்தக் கட்டுரை ஆசிரியர் பொறுப்பல்ல.
தொடர்புக்கு: பாபு கோதண்டராமன், babukothandaraman@gmail.com,
https://kaalaiyumkaradiyum.wordpress.com/ (காளையும்கரடியும்)
April 12, 2013 Leave a comment
ஹலோ ஃபிரண்ட்ஸ்!
நம்ம ஒரு இரண்டு, மூன்று நாட்களுக்கு முன்னர்தான் டெக்னிக்கல் அனாலிசிஸ் கோர்ஸ் நடத்துவது பற்றி இந்த லிங்க்கில் டிஸ்கஸ் செய்தோம்.
இதோ நாட்டு மக்களுக்கு ஓர் நற்செய்தி!
மெட்ராஸ் ஸ்டாக் எக்ஸ்சேஞ்ச் எனக்கு அனுப்பியுள்ள இந்த மெசேஜ்ஜில் உங்கள் ஆசை நிறைவேறுமென்று நம்புகிறேன். ஏப்ரல் 17 முதல் ஜூலை 17 வரையிலான அனைத்து புதன்கிழமைகளில், மாலை 6:00-7:30 மணிக்கு, டெக்னிக்கல் அனாலிசிஸ் கோர்ஸ் நடத்துவதாக எனக்குத் தெரியப் படுத்தியுள்ளார்கள்.
சேருங்கள்! பயனடையுங்கள்!
மு.கு: இது நான் நடத்துவதல்ல!
MSE IINSTIITUTE OF CAPIITAL MARKETS
MADRAS STOCK EXCHANGE LIMITED
TECHNICAL ANALYSIS PROGRAMME (TAP)
TECHNICAL ANALYSIS PROGRAMME (TAP) is a first of its kind advanced training program offered by MSEICM. The main objective of organizing this Programme is to impart knowledge and skills related to the basic techniques of analyzing price movements of traded stocks/indices to programme participants in the simplest form. Basic knowledge of capital market is essential to participate in the programme. This Programme introduces candidates to the world of stock markets from the perspective of chart reading. This course will help the candidates to arm themselves with desired skill sets to take investment and trading decisions based on technical analysis. This programme also provides a head start to candidates aspiring to become technical analysts in the stock market.
Topics Covered
Introduction to technical analysis,
tenets of TA, types of charts, trends
Supports and Resistances
Moving averages, gaps
Trend lines and trend channels
Oscillators – ROC, RSI, MACD
Oscillators – Stochastics, Bollinger
Bands and Couple of other oscillators
Chart Patterns – Reversal and Continuation Patterns
Japanese Candlesticks – reversal patterns
Japanese Candlesticks – continuation patterns
Fibbonacci levels
Dow Theory
Elliot Wave Theory
Technical Analysis in commodity and forex market
Creating a trading system
Test
When:
On all Wednesdays, commencing from
17th April 2013 till 17th July 2013
Where:
Madras Stock Exchange Building,
4th Floor, Second Line Beach,
Chennai – 600001
Time:
6.00 pm to 7.30 pm
Fee: Rs. 5000/- inclusive of Service Tax.
Registrations:
First come First Serve Basis. Only 15 registrations will be accepted.
Registrations on or before 15th April.
Important:
Being a Technical Programme all participants are advised to carry their own laptops. Course material will be
provided in each class.
For registration:
Madras Stock Exchange Ltd, 3rd Floor, Second Line Beach, Chennai 600001.
044-25228951/52/53.
Email: am_mktg@mseindia.in
April 9, 2013 6 Comments
ஹலோ!
சமீப நாட்களாக (நான் டெக்னிக்கல் அனாலிசிஸ் பற்றி) இந்த blog-இல் எழுத ஆரம்பித்ததிலிருந்து, இதற்கு மிகவும் ஒரு நல்ல ஆதரவிருப்பதாக உணரமுடிகிறது. இருந்தாலும் இதற்கு முந்தைய பதிவான, “டைவர்ஜென்ஸ் இருக்குதா? இல்லையா?” என்ற பதிவிற்கு நான் எதிர்பார்த்த அளவிற்கு பதில்கள் இதுவரையிலும் வரவில்லை. பரவாயில்லை! ஏனெனில், எழுதுவென்பது கொஞ்சம் (நிறையவே) கஷ்டமான வேலைதான். J
நிற்க! எனினும் எனக்கு நிறைய பேர் தனிப்பட்ட முறையில் கடிதம் (லெட்டர் எல்லாம் ஒண்ணும் இல்லீங்க….. ஈமெயில்தாங்க!) எழுதித் தொடர்பு கொண்டு “டெக்னிக்கல் அனாலிசிஸ் class ஏதேனும் நடத்துகிறீர்களா?” என்று கேட்டுள்ளீர்கள். இதுவரையிலும் அப்படியேதும் எண்ணம் இல்லாமலிருந்தது. ஒரு சிலர் கேட்டிருக்கவே, இன்னும் யாருக்காவது டெக்னிக்கல் அனாலிசிஸ் கற்றுக்கொள்ள வேண்டுமென்று நினைத்தால், எனக்கு ஒரு வரி ஈமெயில் அனுப்பி வையுங்கள். ஏதேனும் ஒரு ஞாயிற்றுக்கிழமையன்று வைத்துக்கொள்ளலாம்.
ஒரு basic-ஆனா கோர்ஸ் சிலபஸ் பற்றி யோசனை செய்து கீழே எழுதியிருக்கின்றேன். உங்களின் கருத்துக்களையும் கூறவும்.
1. மார்க்கெட் டைப்:
a) ட்ரெண்டிங் மார்க்கெட் b) sideways மார்க்கெட்
a.1) அப்ட்ரெண்ட் மார்க்கெட்
a.2) டௌன்ட்ரெண்ட் மார்க்கெட்
a.3) ட்ரெண்ட்லைன்கள்: வரைவதெப்படி?
a.4) சப்போர்ட் & ரெஸிஸ்டன்ஸ் கண்டுபிடிப்பதெப்படி?
b.1) பக்கவாட்டு மார்க்கெட் கண்டுபிடிப்பதெப்படி?
இத்தகைய மார்க்கெட்டுகளில் டிரேட்/இன்வெஸ்ட் செய்யும் ஸ்ட்ராடஜி.
2. சார்ட் பேட்டர்ன்கள்:
a) Continuation (ட்ரெண்ட் தொடரும்) பேட்டர்ன்: Bullish Flag, Bearish Flag
b) ரிவர்ஸல் (ட்ரெண்ட் திரும்பும்) பேட்டர்ன்: ஹெட் & ஷோல்டர், தலைகீழ் ஹெட் & ஷோல்டர், டபுள் டாப் (double top), டபுள் பாட்டம் (double bottom)
c) நியூட்ரல் பேட்டர்ன்: ட்ரையாங்கில் (முக்கோணம்)
3. Money management: ரிஸ்க்:ரிவார்ட் ரேஷியோ எவ்வாறு அமைத்துக் கொள்வது?
4. மேலே கற்றுக்கொண்டதிலிருந்து ஒரு சில(4 அல்லது 5) பேட்டர்ன்களின் மாதிரி டிரேட் எடுத்து, அந்த டிரேட்களை நிர்வகிக்கும் டிரேடிங் சைக்காலஜி பற்றியும் ஒரு ஒரு மணி நேரம் மாடல் டிரேட் பயிற்சி எடுக்கலாம்.
—– xxxxx —–
இந்தக் கோர்சில் கலந்து கொண்டு, அடுத்த நாளே ஒரு பத்தாயிரம், இருபதாயிரம் சம்பாதிக்கலாமென்று நினைக்காதீர்கள். என்னால் அப்படியொரு காரன்டி கொடுக்கவே முடியாது. அப்படியெல்லாமிருந்தால், நான் ஏன் இந்த மாதிரி blog எழுதிக்கொண்டு, இந்த மாதிரி ஒரு training கோர்ஸ் நடத்துகிறேன் என்றெல்லாம் இருக்கப்போகிறேன்? நானே இந்த மாதிரி டிரேட் செய்து, அந்தப் பணத்தை சம்பாதித்து இந்நேரம் ஹவாய் தீவுகளிலோ, லண்டனிலோ இந்தக் கோடை விடுமுறையை என்ஜாய் செய்து கொண்டிருப்பேனே? எனவே டெக்னிக்கல் அனாலிசிஸ் கற்றுக்கொள்ள ஆர்வமிருந்து, இந்தக் கோர்ஸ் அட்டென்ட் செய்து, அதற்குப் பிறகும் ஒரு ஆறேழு மாதங்கள் தொடர்ந்து சார்ட்டுகள் பார்த்து வந்தால் மட்டுமே இதைப் பற்றி முழுமையாகத் தெரிந்து கொள்ளமுடியும்.
அதேபோல, வீட்டில் கம்ப்யூட்டரில் டெய்லி ஒரு 40-50 சார்ட்டுகளாவது பார்த்தால்தான் நன்கு தேர்ச்சி பெற முடியும்.
இந்தக் கோர்ஸைப் பற்றிச் சொல்வதானால், இது ஒரு அடிப்படையான ஆனால் மிக, மிக முக்கியமான சிலபஸ். இது தெரிந்தால்தான் மேலும், மேலும் டெக்னிக்கல் அனாலிசிஸின் மேலும் பல அட்வான்ஸ்டு விஷயங்களைத் தெரிந்துகொள்ள ஈசியாக இருக்கும்.
எனக்கு இந்தக் கோர்ஸிலேயே மூவிங் ஆவரேஜ், கேண்டில்ஸ்டிக் சார்ட்ஸ், Fibonacci series, டிரேடிங் ஸ்ட்ராடஜிகள் முதலானவைகளை சேர்த்துக்கொள்ள ஆசைதான். ஆனால், இருக்கும் நேரம் போதாதென்று நினைக்கின்றேன்.
மேலும் எதைச் சேர்க்கலாம், எதைச் சேர்த்தால் பயனுள்ளதாக இருக்குமென்று தயவு செய்து எனக்குத் தெரியப்படுத்துங்கள்! [என்னங்க?…. ஓ! sunday பிரியாணி சேர்த்தால் நல்லா இருக்கும்னு சொல்றீங்களா! :)].
உங்கள் பதில் கடிதம் எதிர்பார்த்து,
பாபு கோதண்டராமன்