வணிகத்தின் விதிமுறைகள் (Trading Rules) – அத்தியாயம் 10

ஆங்கிலத்தில்: JK

தமிழாக்கம்: பாபு கோதண்டராமன்

முடிவெடுத்தல் (Decision making)

அத்தியாயம் 1 – அத்தியாயம் 2 – அத்தியாயம் 3 – அத்தியாயம் 4

செயல்படுத்துதல் (Execution)

அத்தியாயம் 5

மேனேஜ்மெண்ட் (Management)

அத்தியாயம் 6 – அத்தியாயம் 7 – அத்தியாயம் 8 – அத்தியாயம் 9

அத்தியாயம் 10 தொடர்கிறது.

முதலில் சரஸ்வதி பூஜை, ஆயுத பூஜை மற்றும் விஜய தசமி நல்வாழ்த்துக்களைத் தெரிவித்துக் கொள்கிறேன்.

ஒரு மாத காலமாக தொடர்ந்து எழுத முடியாமைக்கு மன்னிப்பு கோருகிறேன்.

இப்போது  பிரமிடிங்க் பற்றிப் பார்ப்போம்!

விதி 8: தேவைப்பட்டால், பிரமிடிங்க் செய்யலாம்

முந்தைய அத்தியாயத்தில் ஒரு பிரமிட் படம் போட்டிருந்தேன். பிரமிட் எப்படியிருக்கும் என்று நான் சொல்லித் தெரிய வேண்டியதில்லை. “பேஸ்மெண்ட் ஸ்ட்ராங்க்”-ஆக இருக்கும். மேலே போகப் போக அளவில் சிறியதாகிக் கொண்டேயிருக்கிறதல்லவா? இது எப்படி பங்குச் சந்தை முதலீடு/வணிகத்திற்கு உபயோகமாகிறதென்று பார்க்கலாம்.

சப்போஸ், நாம் ஒரு பொசிஷன் எடுத்துள்ளோம். மார்க்கெட்டானது, நாம் எடுத்த டிரேட் படியே, இலாபத்தில் செல்கிறதென்று வைத்துக்கொள்வோம். அப்போது, அதன் திசையிலேயே மேலும் மேலும் நமது பொசிஷனை அதிகரித்துக் கொள்வதே “பிரமிடிங்க்” எனப்படும். இதற்கு 1) மார்க்கெட்டனது “ஸ்லோ அண்ட் ஸ்டெடி” (slow & steady) என்ற வாக்கிலே 2) ஒரே திசையில் (டிரெண்டில்) இருக்கவேண்டும். வலிமையான புல்லிஷ் மற்றும் பேரிஷ் மார்க்கெட்டுகள் பிரமிடிங்க் செய்ய உகந்தவை.

1) இன்வர்ஸ் *Inverse* மற்றும் 2) நார்மல் *Normal* முறைகளிலே பிரமிடிங்க் செய்யலாம்.

நார்மல் பிரமிடிங்கில் மார்க்கெட்டானது நமது டிரேடின் திசையிலேயே சென்று, நமக்கு இலாபத்தை கொடுத்துக்கொண்டிருந்தால், மேலும், மேலும் முதலில் எந்த அளவில் பொசிஷன் எடுத்திருந்தோமோ, அதே எண்ணிக்கையில் பொசிஷனை அதிகரித்துக் கொள்வதாகும். அதாவது, முதலில் 50 ஷேர்கள் வாங்கியிருந்தால், அடுத்தடுத்த டிரேட்களில் 50, 50 ஷேர்களாக வாங்கிக் குவிப்பதாகும்.

இன்வர்ஸ் பிரமிடிங்கில் எப்படி டிரேட் எடுப்பதென்று கீழேயுள்ள சிறிய அட்டவணையில் பார்க்கலாம்.

டிரேட் நம்பர்	விலை	Buy எண்ணிக்கை	மொத்த விலை	சராசரி விலை  (ஷேர்கள் கையிருப்பு)
1 2 3 4 5 6 மொத்தம்	ரூ. 75 ரூ. 80 ரூ. 85 ரூ. 90 ரூ. 95 ரூ 100	300 150 75 35 25 15 600	ரூ.22,500 ரூ.12,000 ரூ. 6,375 ரூ. 3,150 ரூ. 2,375 ரூ. 1,500 ரூ. 47,900	ரூ. 75.00 (300) ரூ. 76.67 (450) ரூ. 77.86 (525) ரூ. 78.62 (560) ரூ. 79.32 (585) ரூ. 79.83 (600)

இம்முறையில் பிரமிடிங்க் செய்யும்போது, சராசரி விலையானது, முதலில் வாங்கிய விலைக்கு அருகாமையிலிருக்காறு பொசிஷன்கள் எடுக்கப்படுகின்றன. அதாவது, அடுத்தடுத்த டிரேட்களில், ஷேரின் விலையேற்றத்திற்குத் தக்கவாறு (இந்த எடுத்துக்காட்டில்) பங்குகளின் எண்ணிக்கைக் கணிசமாகக் குறைந்து கொண்டே போவதைப் பாருங்கள்.

ஏன்? இவ்வாறு செய்தால், மொத்தமுள்ள 600 பங்குகளின் சராசரி விலையானது நமது முதல் டிரேட்-ஆன ரூ.75-க்குப் பக்கத்திலேயே இருக்கிறது. ஆனால் மார்க்கெட்டிலோ, கடைசியாக ரூ. 100-இல் டிரேட் ஆகிறது. அதனால், நமக்கு நல்ல இலாபம்தானே?

குட் லக்!

(தொடரும்

வணிகத்தின் விதிமுறைகள் (Trading Rules) – அத்தியாயம் 9

ஆங்கிலத்தில்: JK

தமிழாக்கம்: பாபு கோதண்டராமன்

முடிவெடுத்தல் (Decision making)

அத்தியாயம் 1 – அத்தியாயம் 2 – அத்தியாயம் 3 – அத்தியாயம் 4

செயல்படுத்துதல் (Execution)

அத்தியாயம் 5

மேனேஜ்மெண்ட் (Management)

அத்தியாயம் 6 – அத்தியாயம் 7 – அத்தியாயம் 8

அத்தியாயம் 9 தொடர்கிறது.

நம்முடைய டிரேட் இலாபத்திலிருக்கும்போது என்னென்னவெல்லாம் செய்ய வேண்டுமென்று பார்த்துக்கொண்டிருக்கின்றோம்.

(ஆஹா… ஞாபகம் வந்திடிச்சே எனக்கு! அதான் இந்தப் பக்கமா வந்து ஒருநடை எழுதிட்டுப் போகலாமுன்னு வந்திருக்கேன். ரொம்ப சாரிங்க! கொஞ்சம் (நெறையவே) வேலையிருக்கிறதுனால முன்பு போல எழுத முடியவில்லை)

விதி 7: நீங்க கிரிக்கெட் மட்டையைச் சுழற்றும் போதெல்லாம் காற்றைத்தான் அடிக்கிறீர்களா? கொஞ்சம் நிதானத்துக்கு வாங்க!

நீங்க எடுக்குற டிரேட் எல்லாமே தொடர்ச்சியா உங்களைக் கவிழ்த்துக் கொண்டேயிருந்தால், உங்களோட டிரேடிங்கை உடனே நிறுத்தி வையுங்கள். ஏன்னா, இந்தத் தோல்விகளெல்லாம் எதைச் சொல்லுதுன்னா, “எலே! என்னலே! நானு இங்குட்டு இந்தப் பக்கமா போயிட்டிருக்கேன்! நீ என்னமோ அந்தப் பக்கமா பராக்கு பாத்துக்கிட்டே வேறெங்கேயோ போரயே!” அப்படின்னு ஒரு எச்சரிக்கையை சொல்லுது. அதனால, கொஞ்சம் டிரேடிங் எல்லாம் நிறுத்திட்டு, “நாம் ஏன் மார்க்கெட் செல்லும் திசையைச் சரியாகப் புரிந்து கொள்ளாமல் தவறான திசையில் நமது டிரேட்களை எடுக்கிறோம்? அதை எப்படி சரி செய்வது?” என்ற ஆராய்ச்சியில் இறங்கி, நமது தவறுகளைக் களைந்தெறிய முயற்சிக்க வேண்டும்.

இதே நீங்க அடிக்கிறதெல்லாம் சிக்சர், பௌண்டரி-ன்னு போயிட்டேயிருந்துதுன்னா, நிறுத்தாதீங்க! அதே தொடர் தோல்விகள் வந்தால், மார்க்கெட் ஏதோ சொல்ல விரும்புதுன்னு புரிஞ்சிகிட்டு, அது என்ன சொல்லுதுன்னு தெரிஞ்சிக்கணும்.

அடுத்த வாரம் Pyramiding அதாவது, பிரமிடிங்க் என்கிற “இலாபத்தில் பொசிஷன் இருக்கும்போது, மேலும் பொசிஷன் சைஸை அதிகரிப்பது” என்பது பற்றி பார்க்கலாம்!

படம்: பிரமிட்

(தொடரும்

வணிகத்தின் விதிமுறைகள் (Trading Rules) – அத்தியாயம் 8

ஆங்கிலத்தில்: JK

தமிழாக்கம்: பாபு கோதண்டராமன்

முடிவெடுத்தல் (Decision making)

அத்தியாயம் 1 – அத்தியாயம் 2 – அத்தியாயம் 3 – அத்தியாயம் 4

செயல்படுத்துதல் (Execution)

அத்தியாயம் 5

மேனேஜ்மெண்ட் (Management)

அத்தியாயம் 6 – அத்தியாயம் 7

அத்தியாயம் 8 தொடர்கிறது.

சென்ற அத்தியாயத்தில் இலாபம் வரும்போது என்ன செயல் வேண்டுமென்று பார்க்க ஆரம்பித்தோம். மேலும் தொடர்வோம்.

விதி 5: கண்ணில் தெரியும் இலாபத்தை நஷ்டமாக மாற்றாதீர்கள்!

ரொம்ப சிம்பிள்! நீங்க எடுக்குற டிரேட், நீங்க நெனைச்ச மாதிரியே இலாபத்தின் பக்கமாக நகர ஆரம்பிக்கும்போது என்ன செய்வீங்க?

நானாக இருந்தால், ஒரு குறிப்பிட்ட லெவல் போனத்துக்கப்புறம், பாதி பொசிஷனை இலாபத்தில் கொடுத்து விடுவேன். அப்புறம் ஒரு டிரைலிங்க் ஸ்டாப் லாஸ் “Trailing Stop Loss”(TSL) போட்டுடுவேன். இந்த TSL எப்படி போடுவேன்னா, ஒரு முக்கியமான சப்போர்ட் லெவலுக்குக் கொஞ்சம் மேலே போட்டு, அப்படியே அந்த TSL அடிச்சாலும், எனக்கு எந்த நஷ்டமும் வராத ஒரு லெவல்ல போட்டுக்குவேன். புரியுதுங்களா?

சப்போஸ், ஒரு 100 abc ஸ்டாக்குகளை ரூ.112 லெவலில் வாங்குகிறேன் (டார்கெட் 119.50; ஸ்டாப் லாஸ் 109.50) என்று வைத்துக் கொள்வோம். இதிலே, ரிஸ்க் 2.50; ரிவார்ட் 7.50 அதாவது 1:3

இதிலே நாம் ஒரு ஸ்டாக்குக்கு ரூ 2.50 என்ற அளவிலே, 100 ஸ்டாக்குகளுக்கு ரூ 250/- ரிஸ்க் எடுத்துள்ளோம் என்று கவனித்துக் கொள்ளுங்கள்.

டிரேடும் 114, 115 என்று இலாபத்தில் இருக்கிறது. இப்போது, பாதி பொசிஷனை (அதாவது 50 ஸ்டாக்குகளை) 115 என்ற அளவிலே கொடுத்து விடுவேன். அதாவது 50 x ரூ 3 = ரூ 150 என்ற அளவிலே என்னுடைய ரிஸ்கைக் குறைத்துக் கொள்வேன். (ஆரம்பத்திலிருந்த ரிஸ்க் எவ்வளவுன்னு ஞாபகமிருக்கிறதா?)

250 – 150 = ரூ 100/-தான் என்னுடைய தற்போதைய ரிஸ்க்.

ரிஸ்க்கைக் குறைத்தாகி விட்டது. அதனால், இலாபத்தையும் அதிகரிக்க செய்ய வேண்டும். அதாவது, மீதி இருக்கிற 50 ஸ்டாக்குகளுக்கு 112. 50 அல்லது 113 என்று எங்கே ஒரு முக்கியமான சப்போர்ட் இருக்கிறதோ, அதற்குக் கொஞ்சம் மேலாக ஒரு TSL போட்டுக்கொள்வேன்.

இந்த TSL அடிபட்டால், நஷ்டம் ஏதுமில்லை; அடிபடாமலிருந்தால், இலாபம் மேலும் பெருகும்.

விதி 6: இலாபத்தின் ஒரு பகுதியை, வெளியில் எடுத்து விடுங்கள்.

அதாவது, உங்களுடைய டிரேடிங் அக்கவுண்ட்டிலிருக்கும் இலாபத்தில், மாதந்தோறும் ஒரு குறிப்பிட்ட பகுதியை (25%, 40%, 50% என்று எந்த நம்பர் உங்கள் நியூமராலஜி லக்கி நம்பரோ, அந்த அளவில் :-)) வெளியில் எடுத்து விடுங்கள்.

(தொடரும்)

வணிகத்தின் விதிமுறைகள் (Trading Rules) – அத்தியாயம் 7

ஆங்கிலத்தில்: JK

தமிழாக்கம்: பாபு கோதண்டராமன்

முடிவெடுத்தல் (Decision making)

அத்தியாயம் 1 – அத்தியாயம் 2 – அத்தியாயம் 3 – அத்தியாயம் 4

செயல்படுத்துதல் (Execution)

அத்தியாயம் 5

மேனேஜ்மெண்ட் (Management)

அத்தியாயம் 6

அத்தியாயம் 7 தொடர்கிறது.

விதி 3: எண்ட்ரியா? ரொம்ப ஈஸி! எக்ஸிட்டா? அப்டீன்னா என்னா?

//ஒரு டிரேடுல இருந்து வெளியில வர்றதுதான் ரொம்ப கஷ்டமானது//

ஒரு ட்ரேடை மேனேஜ் செய்வதற்கு ஒரே ஒரு வழிதானிருக்கிறது. அது இலாபத்திலிருந்தால், மேலும் பெருகட்டும்; நஷ்டத்திலிருந்தால், ஏதாவது ஒரு எக்சிட் எடுத்து, வெளியில் வந்து நஷ்டத்தைக் குறைக்கப் பார்க்க வேண்டும்.

வெற்றியாளர்கள் எல்லாம் பல்வேறு வகை டெக்னிக்குகள் உபயோகித்து என்ட்ரி எடுப்பார்கள். ஆனால், நஷ்டம் என்று ஒன்று கண்ணில் பார்த்து விட்டால், நஷ்டத்தைக் குறைக்க உடனடியாக வெளியில் வந்துவிட்டு “துண்டைக் காணோம்; துணியைக் காணோம்” என்று ஓட்டமெடுத்து விடுவார்கள்.

வெற்றியடைய மறுப்பவர்களோ, பல்வேறு வகை டெக்னிக்குகள் உபயோகித்து என்ட்ரி எடுத்தாலும், இலாபகரமான சமயங்களில் இதே பல்வேறு வகை டெக்னிக்குகளை உபயோகித்துத் தங்களின் இலாபத்தின் அளவினைக் குறைத்துக் கொள்கிறார்கள்.

விதி 4: நாம் நினைத்தபடியே மார்க்கெட்டானது சரியான திசையில் சென்று, நமது டிரேட் இலாபத்திலிருந்தால் …… ரிலாக்ஸ், ப்ளீஸ்!

நாம எடுக்குற ஒண்ணு, ரெண்டு டிரேட்கள், எக்குத்தப்பா சரியா இருந்து, பிளஸ்ஸுல இருந்துதுன்னா, வர்ற இலாபத்தை மேலும் அதிகரிக்கச் செய்யணும். அந்த டிரேட்ல இருந்து வெளியில வந்துடக் கூடாது. அதாவது, “அது அப்படியிருக்கும், இது இப்படியிருக்கும்” அப்டீன்னு எல்லாம் நாமளா நெனச்சிண்டு எக்சிட் ஆயிடக்கூடாது.

மார்க்கெட் என்ன சொல்றதுன்னு, நன்னா கவனிக்கணும். புரியறதா? அதாவது, மார்க்கெட்தான் நம்ம வெளியில வர்றதுக்கான காரணத்தச் சொல்லணும்; நம்மளோட மனசு சொல்லப்படாது.

அப்படி ஒண்ணு ரெண்டு பொசிஷன்கள் இலாபத்தில இருந்து, கொஞ்சம் ஏதேனும் கைச்செலவுக்கு பைசா தேவைப்பட்டால், நீங்கள் வேற எப்படியாவதுதான் அந்தச் செலவுகளைப் பாத்துக்கணும் (ஆஹா! என்கிட்ட கேட்டுடாதீங்க! :-))

வெற்றியா? மேலும், மேலும் வளரவிடணும்னு ஒரு வெறி வந்துடனும்; நஷ்டமா? அதன் வாலை ஒட்ட நறுக்கிடனும். ஏன் நஷ்டத்தை நறுக்கிடனும்? ஏனெனில், நம்மோட முதலீட்டைக் காப்பாத்திக்கனும். நோ முதலீடு, நோ டிரேடிங்! சிம்பிள்!

ஒரு டிரேடர் வெற்றியடையறது, அவர் தனது இலாபத்தை எப்படி மேலும் வளர்த்து, நஷ்டத்தைக் குறைத்துக் கொள்கிறார் என்னும் டிரேட் மேனேஜ்மெண்ட் திறமையில்தானிருக்கிறது.

பாபு கோதண்டராமனின் இடைச்செருகல் 

(இதற்கு ஒரு அருமையான ஒரு புத்தகம் ஒன்று சொல்கிறேன். படித்துப் பாருங்கள்! 1952-54 நிகழ்வுகளின் பதிவு அது. நிக்கோலஸ் டார்வாஸ் என்ற ஒரு டான்ஸர், தான் எப்படி “டார்வாஸ் பாக்ஸ் தியரி” மூலம் ஸ்டாக் மார்க்கெட்டில் இரண்டு மில்லியன் டாலர் (அதுவும் அந்த காலகட்டத்து டாலர்) சம்பாதித்தார் என்று தனது டிரேட் விபரங்களைக் கொடுத்துள்ளார். மேலும் விபரமாகச் சொல்லி, சஸ்பென்ஸை உடைக்க மாட்டேன். படித்தால்தான் புரியும் அதன் சுவாரஸ்யம்! ஜமாயுங்கள்!

புத்தகத்தின் பெயர்: How I made $2,000,000 in the stock market

நூலாசிரியர்: Nicolas Darvas

(தொடரும்)

வணிகத்தின் விதிமுறைகள் (Trading Rules) – அத்தியாயம் 6

ஆங்கிலத்தில்: JK

தமிழாக்கம்: பாபு கோதண்டராமன்

இதுவரையிலும், முடிவெடுத்தல் (Decision making) பற்றி

அத்தியாயம் 1 – அத்தியாயம் 2 – அத்தியாயம் 3 – அத்தியாயம் 4

ஆகியவற்றிலும்,  செயல்படுத்துதல் (Execution) பற்றி

அத்தியாயம் 5 -இலும் பார்த்தோம்.

இப்போது, அடுத்ததாக வரும் மேனேஜ்மெண்ட் (Management) பற்றி பார்ப்பதற்கு முன் ஒரு சினிமாப் படக் காட்சியைப் பார்க்கலாம்.

படம்: தசாவதாரம்;

இடம்-சென்னை விமான நிலையத்தில், அமெரிக்காவிலிருந்து வந்த விஞ்ஞானி கமலை, “டண், டக்கு, டண், டக்கு” பின்னணி இசையுடன் “நாயுடு காரு” கமல் விசாரணை செய்யும் காட்சியில் வரும் ஒரு சிறிய பகுதி.

நாயுடு காரு: (விஞ்ஞானியின் தமிழ் தடுமாற்றத்தைப் பார்த்து) ஏமிய்யா? நானு ஆந்த்ராவிலிருந்து வந்து, தமிழக் கத்துக்கிட்டுப் பேசும்போது, நீ தமிழ்நாட்டுலேயோ பொறந்து, வளந்துட்டு தமிழ் பேசுறதுக்கு இவ்வளவு கஷ்டப் பட்டயேன்னா, தமிழ் எப்படிய்யா வளரும்?

விஞ்ஞானி கமல்: (கொஞ்சம் அவசரம், கொஞ்சம் பதற்றம், கொஞ்சம் எரிச்சல், கொஞ்சம் இயலாமை கலந்த பார்வையுடன் அவரைப் பார்த்து)….ஊஊம்ம்….. உங்களை மாதிரி யாராவது வந்து காப்பாத்துவாங்க, சார்!

இந்தக் காட்சியில வருவது மாதிரிதாங்க என்னோட நிலைமையும் இப்போது. தமிழ்ல எழுத ஆரம்பிச்சப்புறம், என்னென்ன கேள்விகள் மனசுக்குள்ளார வருது தெரியுங்களா?

மேனேஜ்மெண்ட்-க்கு “மேலாண்மை”யா? “மேலான்மை”யா? கொஞ்சம் (இல்ல, இல்ல; நிறையவே) கொழம்புதுங்க!

Management – மேலாண்மை

விதி 1: உங்களின் வணிக முதலீட்டை (Trading Capital) பத்து சமமான ரிஸ்க் பகுதிகளாகப் பிரித்துக் கொள்ளுங்கள்

“நான் யார்?” என்ற கேள்வியைக் கேட்டுக்கொள்ளுங்கள். அதற்கு, “நான் ஒரு சராசரி டிரேடர்” என்பதாகத்தான் பதிலிருக்கும். அவ்வாறிருக்கும் பட்சத்தில், நம்முடைய நிலையும், முதலீட்டுத் தொகையும் ஒரு சில வரைமுறைகளுக்கு உட்பட்டதாகத்தானிருக்கும். இதற்கு மாறாக, சந்தையோ, எண்ணிலடங்கா டிரேடர்களைக் கொண்டு ஒரு வலிமைமிக்க சக்தியாக விளங்குகிறது.

நாம் ஒரு ரூபாயைத் தொலைத்தால், சந்தையும்தான் தொலைக்கும். ஆனாலும், அதன் வலிமையின் முன் நாம் ஒரு சிறு துறும்புதான். அதனால்தான், நஷ்டங்களைக் குறைத்துக்கொள்ள நமது ரிஸ்க்-இன் அளவினைக் குறைப்பதே உத்தமம்.

முதலீட்டுத் தொகை ஒரு லட்சம் என்றால், இதனை 10 சம பங்குகளாக ரூ.10,000/- என்ற அளவில் பிரித்து, பத்து டிரேடுகளுக்கு வரும்படி வரும் படி டிரேட் சைஸ் அமைத்துக் கொள்ளலாம். இது ஒரு வகைக் கணக்கீடு.

இன்னொரு வகைக் கணக்கீடு எப்படியெனில், கையிருப்பில் ஒரு 10% மட்டுமே ஒரு டிரேடுக்கான முதலீடு என்பதாகும்.கணக்கீட்டைப் பார்ப்போம்.

ஆரம்ப முதலீடு – ரூ. 1,00,000 (விதி – ஒவ்வொரு டிரேடுக்கும் கையிருப்பில் 10% மட்டும் ரிஸ்க் கேபிட்டலாக முதலீடு செய்வது. நான் 10% என்று ஒரு உதாரணத்திற்குத்தான் சொல்கிறேன். அது 8%, 6%, 7% என்று எந்த அளவிலும் இருக்கலாம்)

முதல் டிரேடுக்கு: ரூ. 10,000  (அதாவது கையிருப்பான ஒரு லட்சத்தில் 10% என்ற இலட்சியத்துடன் நாம் இருப்பதால்; இதில் அலட்சியம் ஏதும் வேண்டாம்) உபயோகிக்கலாம்.

     முதல் டிரேடுக்குப் பிறகு தற்போதைய கையிருப்பு 90,000

2-ஆம் டிரேடுக்கு: ரூ. 9,000 (கையிருப்பில் 10%) மட்டுமே உபயோகிக்க வேண்டும்.

     2-ஆம் டிரேடுக்குப் பிறகு தற்போதைய கையிருப்பு: ரூ. 81,000.

3-ஆம் டிரேடுக்கு: ரூ. 8,100 மட்டும்தான் நம்முடைய முதலீடாக இருக்கும் (ரூ. 81,000/-த்தின் 10%).

இப்போது, நீங்கள் ஏதேனும் பொசிஷனிலிருந்து வெளியே வந்து விட்டால், கையிருப்பு கூடும். அதற்குத் தகுந்தவாறு உங்களின் அடுத்த டிரேட் மதிப்பும் மாறும்.

கையிருப்புக்குத் தகுந்தவாறு, ஒரு குறிப்பிட்ட (மாறுபடாத) சதவிகிதத்தில் நம்முடைய டிரேட் சைஸ் மாறும் முறை புரியுதுங்களா? கையில காசு அதிகமா இருக்கும்போது, ரிஸ்க் கேபிடல் அதிகமாகுது; கையில பேலன்ஸ் கம்மியாகும்போது, ரிஸ்க் கேபிடலும் அதுக்குத் தகுந்த மாதிரி குறையுது.

(சாராம்சம்: ரிஸ்க்கைக் குறைத்துக் கொள்!)

விதி 2: ஒரு நல்ல டிரேடானது, ஆரம்பத்திலிருந்தே இலாபகரமாகத்தானிருக்கும்

ஒரு டே-டிரேடரின் அலுவலக நேரத்தில் (;-)), அவர் வாங்கிய (அல்லது விற்ற) ஸ்டாக்குகளின் விலையேற்ற, இறக்கங்கள் அவ்வப்போது இலாபத்தையோ, நஷ்டத்தையோ காட்டிக் கொண்டிருக்கும். இவையெல்லாம் சந்தையின் கூச்சல்கள் “Market noises” என்பதினால் ஏற்படக்கூடிய நிலையாகும்.

ஒரு டிரேடர், ஒரு ஸ்டாக் வாங்குகிறார் என்று வைத்துக் கொள்வோம். அவர் அதில் நஷ்டமடைகிறார் என்றால், ஒன்று அவர் வாங்கியது “ஹை”யாக இருக்கவேண்டும்; இல்லையெனில், ஒரு கீழிறக்கச் சந்தையிலே (Downtrending market) வாங்கியிருக்க வேண்டும்.

அதே, அவர் இலாபத்திலிருக்கிறார் என்றால், ஒன்று அவர் “லோ”-வில் வாங்கியிருக்க வேண்டும்; மற்றொன்று அவர் வாங்கிய இடத்திலிருந்து, மேலும் விலையேற அந்த ஸ்டாக்கிலே இன்னமும் வலிமை இருந்திருக்க வேண்டும்.

இவ்வாறு, ஒரு டிரேட் ஆரம்பத்திலேயே இலாபத்தில் செல்கிறதென்றால், அது மேலும் இலாபத்தைக் கொடுக்க நிறைய வாய்ப்புகள் உள்ளன என்றும் அர்த்தம் கொள்ளலாம்.

(தொடரும்)

வணிகத்தின் விதிமுறைகள் (Trading Rules) – அத்தியாயம் 5

ஆங்கிலத்தில்: JK

தமிழாக்கம்: பாபு கோதண்டராமன்

அத்தியாயம் 1 – அத்தியாயம் 2 – அத்தியாயம் 3 – அத்தியாயம் 4

இதுவரையிலும், முடிவெடுத்தல் (Decision making) பற்றி பார்த்தோம். இப்போது, செயல்படுத்துதல் (Execution) பற்றிப் பார்க்கலாம்.

செயல்படுத்துதல்

விதி 1: கே. பாலச்சந்தருக்கு “இரு கோடுகள்”; டிரேடர்களாகிய நமக்கு “இரு ஆர்டர்கள்”

ஒரு ஆர்டர் போட்டு, டிரேடுல என்ட்ரி ஆனவுடன், ஸ்டாப்லாஸ் ஆர்டர் போட்டுடனும்! இத நான் சொல்லலீங்க. 1922-லேயே தாமஸ் டெம்பிள் ஹாய்ன் (Thomas Temple Hoyne) என்பவர் தன்னுடைய “ஸ்பெகுலேஷன் – Speculation: Its sound principles and rules for its practice” என்ற புத்தகத்துல “நான் எப்பப்பெல்லாம் மார்க்கெட்ல ஆர்டர் போட்டு, பொசிஷன் எடுக்கிறேனோ, உடனுக்குடனேயே ஸ்டாப்லாஸ் ஆர்டரும் போட்டுடுவேன்” அப்படீன்னு சொல்லியிருக்கிறார். இதைத்தான் அவர் “இரண்டு-ஆர்டர் ரூல்” அப்படீன்னு சொல்றார். ஒரு ஆர்டர் என்ட்ரிக்கு; மறு ஆர்டர் ஸ்டாப்லாஸுக்கு.

“மார்க்கெட்டானது இப்படித்தான் போகும்; இல்ல, அப்படித்தான் அடிக்கும்” என்றெல்லாம் எப்படி வேண்டுமானாலும் நினைப்பவராக நீங்கள் இருக்கலாம். ஆனால், ஸ்டாப்லாஸ் ஆர்டர்னு ஒன்றை எங்கேயாவது, ஒரு லெவலில் போட்டு வைக்க வேண்டும். அது ஒரு குறிப்பிட்ட விகிதாசாரம் (%) என்றோ, அல்லது ஏதேனும் ஒரு குறிப்பிட்ட நம்பராகவோ இருக்கலாம். ஏனெனில், நிபுணத்துவம் வாய்ந்த டிரேடர்களெல்லாம் “தங்களுடைய ஸ்டாப்லாஸ் எது?” என்று நன்றாகத் தெரிந்துதான் டிரேடில் இறங்குவார்கள். அவங்களே அப்படீன்னா, நாமளும் அப்படித்தானே இருக்கோனும்!

விதி 2: சரியான ஆர்டர் முறைகளை பின்பற்றி டிரேடில் ஈடுபடவும்

என்னுடைய முக்கால்வாசி ஆர்டர்கள் முழுவதும் மார்க்கெட் ஆர்டர்கள்தான். நான் ஏதேனும் பொசிஷன் எடுக்கணும்னா, மார்க்கெட் ஆர்டர் போட்டு, அப்போது என்ன விலையிருக்கிறதோ அந்த விலையிலேயே டிரேட்-ஐ செயல்படுத்துவேன். (அப்பாடா! “செயல்படுத்துதல்” என்ற அத்தியாயத்துல “செயல்படுத்துவேன்” என்ற வார்த்தையை எப்படியோ கஷ்டப்பட்டு நுழைச்சிட்டேன்!) அதே மாதிரி, டிரேடுல இருந்து எக்சிட் ஆகணும்னாலும், மார்க்கெட் ஆர்டர் போட்டு, அப்போதிருக்கிற விலையிலேயே வெளியே வந்துடுவேன்.

“அதெல்லாம் முடியாது. நான் மத்த ஆர்டர் முறைகளையும் உபயோகிப்பேன்” என்று கூறுபவராக நீங்கள்? அப்படியானால், என்ட்ரிக்கு மார்க்கெட் ஆர்டரும், எக்சிட்டுக்கு மத்த ஆர்டர் முறைகளையும் உபயோகிக்கலாம்.

பாபு கோதண்டராமனின் குறிப்பு: “மத்த ஆர்டர் டைப்புகளா? ஒண்ணுமே புரியலையே!” அப்படீன்னு சொல்றீங்களா? நான் முன்னர் எழுதிய “ஷேர் மார்க்கெட் ஆர்டர்கள் – மார்க்கெட் & லிமிட் ஆர்டர்கள்” என்ற பதிவினை இங்கே கிளிக் செய்து படித்துப் பார்க்கவும்.

அடுத்த வாரத்திலிருந்து, Management – மேலாண்மை பற்றி பார்க்கலாம். அதுலதான் மேட்டர் ரொம்ப ஜாஸ்தியாயிருக்குது. 🙂

(தொடரும்)

வணிகத்தின் விதிமுறைகள் (Trading Rules) – அத்தியாயம் 4

ஆங்கிலத்தில்: JK

தமிழாக்கம்: பாபு கோதண்டராமன்

அத்தியாயம் 1 – அத்தியாயம் 2 – அத்தியாயம் 3

விதிகள் தொடர்கின்றன.

விதி 9: உங்களின் இலாபத்தை முன்னரேயே தீர்மானிக்காதீர்கள்

அதாவது, உங்களுடைய “லாங்” டிரேட் இலாபத்தில் இருக்கிறதென்று வைத்துக் கொள்வோம். நீங்கள் கணித்தபடியே மார்க்கெட் செல்கிறதென்றால், அது உங்களின் கணிப்பை விடவும் மேலே செல்லலாம். ஏனெனில், நீங்கள் கணித்தபோதிருந்ததை விட மேலும் வலுவான நிலைமை இப்போது ஏற்பட்டிருக்கலாம். எனவே “டிடெய்லிங்க் ஸ்டாப் லாஸ்” போட்டு, டிரெண்டின் வலிமையை முழுவதுமாக அனுபவிக்கக் கற்றுக் கொள்ளுங்கள்.

விதி 10: ஒரு பங்கு மேலிருந்து ரொம்பக் கீழே விழுந்துள்ளதா? ஸ்டாப்! அதை வாங்காதீர்கள்! அதே போல உச்சத்திலிருக்கும் பங்கை விற்காதீர்கள்!

ஓ! இது ரொம்பக் கஷ்டமான மேட்டரா இருக்குதுங்களா?

ஒரு காளையின் பிடியிலிருக்கும் பங்கு, கீழே விழுந்துடிச்சின்னா, அந்த மாதிரி விழுந்தது புல் (Bull) மார்க்கெட்டில் ஏற்படும் வழக்கமான பின்னிழுப்பா அல்லது காளையாக இருந்தது கரடியாக மாறிவிட்டதா (ட்ரெண்ட் ரிவர்ஸ் கியர் போட்டு விட்டதா?) என்பதை முதலில் கணிக்க வேண்டும்.

முதலீட்டாளர்களும், தினசரி வர்த்தகர்களும், “ஆல்-டைம் ஹை” எனப்படும் உச்சத்திற்கு மதிப்புக் கொடுக்க வேண்டும். ஒவ்வொரு முறையும் முந்தைய உச்சங்கள் உடைபட்டு மேலும் புதிய உச்சங்கள் உருவாகும்போது சந்தை “ஸ்டாப் Buy ஆர்டர்களை” (ஷேர் மார்க்கெட் ஆர்டர்கள் பதிவு ஞாபகம் வருகிறதா?) டெஸ்ட் செய்து வலிமையைக் காட்டுகிறது.

விதி 11: ஒரு pullback பின்னிழுப்புக்குப் பின் ஏற்படும் புதிய உச்சத்தில் வாங்குபவராக மாறுங்கள்

ஓ! மிக முக்கியமாக கவனிக்க வேண்டியது என்னவென்றால், யார் யார் கம்மியான விலையில் “லாங்” பொசிஷன் எடுத்திருக்கிறார்களோ, அவர்களுக்கு மட்டும்தான் இது பொருந்தும்.

சந்தையானது, ஒரு ரேஞ்சிலிருந்து உடைத்துக் கொண்டு மேல் பக்கமாகச் செல்வது, வலிமையைக் காட்டுகிறது. அப்போது வலிமையாக மேலே செல்லலாம்; அல்லது மேலே செல்வது போல “கண்ணாமூச்சி” காட்டிவிட்டு மறுபடியும் ரேஞ்சுக்குள்ளேயும் வந்து விடலாம்.

வலிமையுடன் மேலே செல்லும்போது, என்ன நடக்கிறதென்று பார்ப்போம். அப்போது இரண்டு விதமான டிரேடர் க்ரூப்புகள் “லாங்” செல்வார்கள்.

ஒன்று, முன்னர் ஷார்ட்டில் இருக்கும் தினசரி வர்த்தகர்களும், பொசிஷன் டிரேடர்களும், கையிலிருக்கும் “ஷார்ட்”தைக் கவர் செய்து, “லாங்” பொசிஷன் எடுப்பார்கள்.

அடுத்ததாக, கம்மியான விலையில் “லாங்” எடுத்திருக்கும் முதலீட்டாளர்களும், மேலும் புதிய “லாங்” பொசிஷன் எடுத்து தங்களது கையிருப்பை அதிகரித்துக் கொள்வார்கள்.

டிரிபிள் டாப் (Triple top breakout) பிரேக் அவுட் எனப்படும் சமநிலையில் உள்ள மூன்று உச்சங்களை உடைத்து மேலே செல்வது டபுள் டாப் பிரேக் அவுட்டை (Double top) ரொம்பவும் வலிமையானதாக இருக்கும்.

பிரேக்கவுட்டிற்குப் பிறகு நடக்கும் பின்னிழுப்பு குறைவான வால்யூமிலும், அதன் பிறகு விலையேர்ரம் அதிக வால்யூமிலும் நடைபெற்றால், காளைகள் வலிமையடைகிறார்கள் என்று புரிந்து கொள்ள வேண்டும். அதே நேரத்தில் மேலே சென்று “கண்ணாமூச்சி” ஆடிவிட்டு, அதே வேகத்தில் கீழே வந்து விட்டால், அது “False breakout” (ஃபால்ஸ் பிரேக் அவுட்) ஆக அமையும்.

விதி 12: கத்திரிக்காய் முற்றினால், கடைவீதிக்குத்தான் வந்தாக வேண்டும்

அதாவது, காலம் கனிந்து, சாதகமாக இருந்தால், மார்க்கெட் திரும்பித்தான் ஆக வேண்டும். மார்க்கெட்டை ஆராய்ச்சி செய்யும்போது, விலை மற்றும் வால்யூம் வைத்துத்தான் பெரும்பாலானவர்கள் ஆராய்கிறார்கள். அதைப்போல, இன்னமும் சொல்லப் போனால், அவற்றை விட, டைம் சைக்கிள் அனாலிசஸ் (time cycle analysis) எனப்படும் காலத்தை அளவுகோலாக வைத்து செய்யப்படும் ஆராய்ச்சியும் மிக முக்கியமானதாகும்.

உதாரணத்திற்கு, ஒரு குறிப்பிட்ட ரேஞ்சிலேயே விலையானது மேலுக்கும், கீழுக்குமாக யோ-யோ விளையாட்டு விளையாடிக் கொண்டிருந்தால், அதிலே நிறைய தடவை காலச் சுழற்சி முறையிலே விலை ஒரு பக்கத்திலிருந்து, இன்னொரு பக்கத்திற்கு செல்வதைப் பார்க்கலாம்.

விதி 13: என்ன நடக்குதுன்னு ஒண்ணும் புரியலைன்னா, “ஒண்ண்ண்ணும் செய்யாம,  சும்மா கம்ம்ம்ம்முனு இருங்க”

“ஒண்ணும் செய்யாம சும்மா இருக்குறதே ஒரு பெரிய வேலைதான்”னு வடிவேலு ஒரு படத்தில ஜோக்கடிப்பாரே! நாம வாங்கிய ஏதேனும் ஒரு பொருள் பிடிக்கலைன்னா, அதை திருப்பிக் கொடுத்துட்டு ரீஃபண்டோ அல்லது எக்ஸ்சேஞ்சோ செய்து கொள்ளலாம். பங்குச்சந்தையிலே சில சமயங்களில் என்ன நடக்கிறதேன்றே புரியாது. அந்த மாதிரி நேரங்களில், நாம் கொஞ்சமும் கூச்சப்படாமல் “கேலரியில்” உட்கார்ந்து நடக்கும் ஆட்டத்தை வேடிக்கைப் பார்க்கக் கற்றுக் கொள்ள வேண்டும்; நாமும் விளையாடி அடி, உதைபட்டு வரக்கூடாது.

விதி 14: டிப்ஸ் பணம் பண்ணாது!

நல்ல டிப்ஸ் கொஞ்சம் பேருக்குத்தான் கிடைக்கும். மோசமான டிப்ஸோ எல்லோருக்கும் கிடைக்கும். அதனால, நாமே மார்க்கெட்டின் விலையேற்றங்களை அலசி, ஆராய்ந்து முடிவெடுப்பதுதான் பணம் ஈட்டுவதற்கான நல்வழியாக அமையும். நாமே நமது வாழ்க்கைப் பாதையைத் தீர்மானிப்பவராகவும் அமைகிறோம்.

இவ்வாறு மார்க்கெட்டின் நெளிவு, சுளிவுகளைக் கற்றுக்கொள்வதனால் எந்தவொரு டிப்ஸின் உதவியுமில்லாமல், நாம் உலகின் எந்த மூலையிலிருந்தும், எந்த மார்க்கெட்டிலும் வணிகம் செய்யலாம். மார்க்கெட்டுகள் அனைத்துமே ஒரே மாதிரியாக இயங்குபவைதான். இதை விட்டுவிட்டு, நாம் டிப்ஸின் மூலம் மட்டுமே வணிகம் செய்பவராக இருந்தால், டிப்ஸ் எந்த மார்க்கெட்டுக்குக் கிடைக்கிறதோ, அந்த மார்க்கெட்டில் மட்டுமே நம்மால் வணிகத்தில் ஈடுபட முடியும். மேலும், நாம் ஒருவரைச் சார்ந்து டிப்ஸ் வாங்கும் போது, அவர் வேறொருவரிடமிருந்து வாங்கி நமக்குக் கொடுப்பவராகக் கூட இருக்கலாம். இது இப்படியே ஒரு தொடர்கதை போல செல்லவும் வாய்ப்பிருக்கிறது.

கடந்த மூன்று அத்தியாயங்களில் முடிவெடுத்தல் (Decision making) பற்றிய சில விதிமுறைகளைப் பார்த்தோம். அடுத்த வாரங்களில், செயல்படுத்துதல் (Execution) பற்றி விரிவாகப் பார்ப்போம்.

பாபு கோதண்டராமனின் இன்னொரு இடைச்செருகல்: (நாராயணா! இந்தக் கொசுத்தொல்லை தாங்க முடியலையே!) 🙂

இந்தக் கட்டுரையை எழுதியவர் நண்பர் ஜெ‌கே-தான். அவரின் எண்ணங்களை என்னால் முடிந்த வரையில் புரிந்து கொண்டு, தமிழில் மாற்றம் செய்துள்ளேன். அதனால்தான், தயங்காமல் நிறை, குறைகளைச் சுட்டிக் காட்டி எழுதவும்! அப்போதுதான் மேலும் பல விளக்கங்களை அவரிடமிருந்து நான் பெற்று உங்களுக்களிக்க முடியும்! நன்றி!

(தொடரும்)

வணிகத்தின் விதிமுறைகள் (Trading Rules) – அத்தியாயம் 3

ஆங்கிலத்தில்: JK

தமிழாக்கம்: பாபு கோதண்டராமன்

அத்தியாயம் 1 – இங்கே “கிளிக்”கிடவும்.

அத்தியாயம் 2 – இக்கட “கிளிக்”கிட (அட! “இக்கட, அக்கட”ன்னு கொஞ்சம் தெலுங்கு வேறயா?)

விதிகள் தொடர்கின்றன.

விதி 5: மார்க்கெட்டில் பழைய மாவுதான் அறைக்கப் படுகிறது.

ஆமாங்க! இது ரொம்ப ஈஸி! எந்த சினிமாவும் பாருங்க! ஒரே காதல் கததான், மறுபடியும், மறுபடியும் புதுப்புது “லவ்ஸ்டோரி”யா வருது! அந்த அரசாங்கம் “அது” கொடுத்துதுன்னா, இந்த அரசாங்கம் “இது” கொடுக்குது. அதை மாதிரிதாங்க மார்க்கெட்டுலேயும். “சரித்திரம் மறுபடியும் நிகழ்கிறது” (History Repeats itself) என்று சொல்வதற்கேற்ப முன்னாடி என்ன நடந்துச்சோ, அதேதான் மறுபடியும் நடக்கும்; என்ன கொஞ்சம் கொஞ்சம் “மேக்கப்” மாறும்.

விதி 6: அன்றாடம் கிறிஸ்துமஸ் வராதுங்க!

குழந்தைகளுக்கு நிறைய கிஃப்ட் கிடைக்கறதால, டெய்லி கிறிஸ்துமஸ் தாத்தா வருவாரான்னு எதிர்பார்ப்பாங்க! நாமும் அந்த மாதிரி, மார்க்கெட்டுல டெய்லி வருமானம் வரும்னு எதிர்பார்க்கலாமுங்களா?

“ஸ்கேல்ப்பர்ஸ் (Scalpers) எனப்படும் தினசரி லாபத்திற்காகக்  கொறிப்பவர்களும், தினசரி வர்த்தகர்களும், நீண்டகால முதலீட்டாளர்களுமான மூவகை வணிகர்களிலே, மூன்றாவது வகையான நீண்டகால முதலீட்டாளர்கள்தான், சந்தையில் ஏற்படும் தொய்வுகளைச் சமாளிப்பதற்கு ஏற்றவர்களாக இருக்கிறார்கள். அவர்கள் அன்றாடம் டிரேடுகளில் ஈடுபடுவதில்லை, “ஒடுமீன் ஓட, உறுமீன் வரும் வரை காத்திருக்குமாம் கொக்கு” என்பதற்கேற்ப, இலாபகரமான சமய, சந்தர்ப்பங்களில் மட்டுமே டிரேடுகளில் ஈடுபடுகிறார்கள்.

அனுபவஸ்த டிரேடர்கள் மட்டுமே “இன்றைய சம்பாத்தியம், நாளையே போய் விடலாம்” என்ற எண்ணத்தில் டிரேட் செய்கிறார்கள்.

விதி 7: மார்க்கெட் எப்போதுமே சரி; நம்முடைய எண்ணங்கள்தான் தவறாகின்றன.

மார்க்கெட்தான் ஃபைனல் அத்தாரிட்டி. அதை மிஞ்சி வேறேதுமில்லை. டெக்னிக்கலோ, ஃபன்டமண்ட்டலோ; நாம் காளையோ, கரடியோ, அதைப்பற்றியெல்லாம் கிஞ்சித்தும் எண்ணம் கொள்ளாமல், மார்க்கெட் தான் என்ன செய்ய வேண்டுமென்று நினைக்கிறதோ, அதைத்தான் செய்யும்.

ஒரே சமயத்தில் பொதுஜனம் அனைவரும் எதேனும் ஒரு குறிப்பிட்ட ஸ்ட்ராட்டஜி வைத்து டிரேட் செய்தால், அது அவ்வளவு வெற்றியை அளிப்பதில்லை. மார்க்கெட் ஆசான்களெல்லாம் மக்களுக்காகத்தான் ஆராய்ச்சி செய்கிறார்களே தவிர, மார்க்கெட் என்ன சொல்கிறது என்று கவனிக்கத் தவறி விடுகிறார்கள். மீடியாக்களும் ஒரு சில “குரு”க்களை உருவாக்குவதில் தவறி விடுகின்றன.

நீங்கள் பணத்தை விட்டுக்கொண்டிருக்கிறீர்களென்றால், எல்லாப் பொசிஷன்களையும் மூடிவிட்டு, வெளியில் வந்து ஒரு சுய சோதனை செய்து பார்க்க வேண்டும். நீங்கள் வெற்றியாளராக இருந்தால், மார்க்கெட் ஆசான்கள் சொல்லும் நட்டத்தை உண்டாக்கும் முடிவுகளில் ஈடுபடக்கூடாது. இதுபோன்ற சமயங்களில், நீங்களே சுயமாகச் சிந்தித்துப் பார்க்கக் கற்றுக்கொள்ள வேண்டும்.

விதி 8: மார்க்கெட் சரியான திசையில் சென்றால், இலாபத்தை எடுத்து விட அவசரம் வேண்டாம்.

டிரேட் எடுக்கலாமா, வாங்கலாமா, விற்கலாமா என்றெல்லாம் முடிவெடுத்துக் கொண்டே இருக்கின்றோம். சரியான முடிவானால் இலாபமும், தவறான முடிவானால் நட்டமும் அடைகின்றோம். இவ்வாறு அடிக்கடி நிறைய தடவை முடிவெடுத்து ஈடுபடுவதும் அவ்வளவு இலாபகரமாக இருப்பதில்லை.

சரியான எண்ட்ரிக்கு முடிவெடுக்கும் வாய்ப்பு கம்மி; அத விட சரியான எக்சிட் செய்யும் வாய்ப்பு இன்னும் கம்மித்தான். அதைவிட சரியான எண்ட்ரியாக அமைந்து, சரியான எக்ஸிட்டும் அமையும் வெற்றிகரமான வாய்ப்பு அமைவது இவை எல்லாவற்றையும் விடக் குறைவுதான். இந்த மாதிரி சான்ஸ்ஸெல்லாம் குறைந்து கொண்டேபோவதால், எடுக்கும் ஒரு சில டிரேடுகளும், வெற்றியைத் தருவதாக அமைத்துக் கொள்ளவேண்டும்.

முக்கியமாக, மார்க்கெட் என்ன சொல்கிறதோ, அதைச்செய்ய கற்றுக்கொள்ள வேண்டும். புல்லிஷ் மார்க்கெட்டில் வாங்கவும், பேரிஷ் மார்க்கெட்டில் விற்கவும் செய்ய வேண்டும். மாற்றிச்செய்ய முற்படுவது, மார்க்கெட்டுக்கே பாடம் கற்றுத்தருவது போலாகும் – அது கடவுளும், இயற்கைப் பேரழிவுகளும் மட்டுமே செய்ய முடியும்: நம்மால் முடியாதது.

அடுத்தது, உச்சத்தில் விற்பதும், நீச்சத்தில் வாங்குவதும் எப்போதுமே நடவாத காரியம். ஒரு ஸ்விங்க் எனப்படும் ஒரு குறிப்பிட்ட திசை நகர்வைப் பிடித்து, அதன் அதிகபட்ச இலாபத்தை அடையப் பார்க்க வேண்டும்.

-தொடரும்

வணிகத்தின் விதிமுறைகள் (Trading Rules) – அத்தியாயம் 2

ஆங்கிலத்தில்: JK

தமிழாக்கம்: அடியேன்தான்

அத்தியாயம் 1 – இங்கே “கிளிக்”கிடவும்.

நண்பர்களே!

ஒரு சில தொழில் நுட்பத் தடங்கல்கள் மற்றும் சொந்த அலுவல்கள் காரணமாக கடந்த வாரம் முழுவதும் என்னால் இங்கு வர முடியாமலிருந்தது. மன்னிக்கவும் JK! உங்கள் அனைவரின் பொறுமைக்கு எனது நன்றிகள்!

அன்புடன்,

பாபு கோதண்டராமன்

இப்போது, அத்தியாயம் 2 ஆரம்பமாகிறது.

இனியொரு விதி செய்வோம்!

விதி 1: எதிர் நீச்சல் போடாதே! டிரெண்டோடு டிரேட் செய்!

பங்குச்சந்தையானது எப்போதுமே கீழே சொல்லப்பட்டிருக்கும் இரு நிலைகளில் ஏதேனும் ஒரு நிலையில் பயணிக்கும்.

1. ஒரு டிரெண்டில் இருக்கும். காளையின் பிடியில் இருக்கும்போது மேல் நோக்கிபயணிக்கும், அல்லது கீழ் நோக்கிப் பயணித்து கரடியின் பிடியிலாவது இருக்கும்.

2. எந்தவித டிரெண்டும் இல்லாதபோது, மேலுக்கும் கீழுக்குமாக உள்ள ஒரு குறிப்பிட்ட ரேஞ்சிலேயே, திரிலோக சஞ்சாரி போல பயணித்துக் கொண்டு, ஒரு பக்கவாட்டு மார்க்கெட்டில் இருக்கும்.

காலம் செல்லச்செல்ல விலை கூடிக்கொண்டே போனால், அதை ஒரு காளையின் பிடியிலுள்ள சந்தை எனலாம். (Bull Market). ஒரு கரடியின் பிடியில் காலம் செல்லச்செல்ல (Bear Market) விலையானது கீழே இறங்கிக்கொண்டே போகும்.

ஒரு காளையின் சந்தையில், விலையேற்றமானது மிக மெதுவாகவே இருக்கும். பின்னிழுப்புகளில் (Pullbacks) விலையானது “சடாரென்று” இறங்கினாலும், அந்த இறக்கத்தை ஈடுகட்டி மேலே ஏறுவது அதே  வேகத்திலேயே அமையும்

ஒரு கரடியின் பிடியிலுள்ள சந்தையில் (Bear Market) விலையானது வேகமாகக் கீழே இறங்கி அப்படியே இருக்கும். பின்னிழுப்புக்கள் சட்டென்று  ஏறினாலும் அது சிறிதளவே (விலையிலும், காலத்திலுமாக) இருக்கும்

சந்தை ஒரு டிரெண்டை உருவாக்கிக் காட்டி விட்டால், அதற்கு எதிர்மறை டிரேட்-களை செய்வது முட்டாள்தனமானது. அதாவது, ஒரு காளையின் பிடியிலுள்ள சந்தையில், “விற்று, வாங்குவதும் (ஷார்ட் செய்வது)” வாங்கி விற்பதைக் (லாங் போவது) காட்டிலும் அதிகளவில் பாதகமாகவே அமையும். ஒரு கரடியின் மார்க்கெட்டில் “லாங்” போவதும் பாதகமாகத்தினிருக்கும்.

விதி 2: சந்தை நடந்து கொண்டிருக்கும் சமயங்களில், அதைப் பற்றி புதிய எண்ணங்களை உருவாக்கிக் கொள்ளாதீர்கள்.

சந்தையைப் பற்றி முன்னரே தீர்மானித்து விடுவதுதான் சிறந்ததாகும். “தீர்மானித்து விடுவது” என்றால் ஏதோ குருட்டாம்போக்கில் எடுக்கும் முடிவுகளாக இருக்கக் கூடாது. சந்தையின் இந்த இடத்திலே என்ட்ரி; இந்த இடத்திலே எக்சிட்; நாம் எடுத்த முடிவு சரியாக இருக்கும் பட்சத்தில், இங்கே டிரெய்லிங்க் ஸ்டாப் லாஸ் (Trailing Stop Loss) என்றெல்லாம் ஒரு வியூகத்தை அமைத்துக் கொண்டு களமிறங்க வேண்டும். பிறகு சந்தை நம் அருகில் வரும் வரை பொறுமையுடன் காத்திருக்க வேண்டும்.

“சரி! இன்றைய சந்தை கரடித்தனமாக இருக்குமென்று ஆராய்ந்து, அதற்குத் தக்கவாறு வியூகங்களை அமைத்துக் களமிறங்குவோம்” என இருக்கும் சமயத்தில், சந்தையில் காளைகளின் கை ஓங்கும் பட்சத்தில், அந்தப் பழைய ஒரிஜினல் வியூகத்தில் ஏதும் அட்ஜஸ்ட் செய்து டிரேட் செய்யக்கூடாது. அதைத் அப்படியேத் தூக்கிக் குப்பைத் தொட்டியில் போட்டு விட்டு விட வேண்டும். நடப்பிலிருக்கும் காளைச் சந்தைக்குத் தக்கவாறு புதிய வியூகங்களை அமைத்துக் களமிறங்கி அவற்றைச் செயல் படுத்திடவேண்டும். சந்தை நேரத்தில் வியூகங்களில் அட்ஜஸ்ட் செய்து கொண்டிருந்தால், உங்களின் முடிவுகள் சரியான முடிவுகளாக இருக்காது

சந்தையானது தான் செல்லும் போக்கிலே வருபவர்களை மட்டுமே உடன் அழைத்துச் செல்கிறது. மற்றவர்களை உதறித் தள்ளி விடுகிறது. அதனால், சரியான முறையில் தயார் நிலையில் இருப்பவர்கள் தோல்வியடைவதில்லை. யாரொருவர் தன்னிடமுள்ள திறமைகளை வைத்துச் சரியான முறையில் பயன்படுத்தாமலிருக்கிறாரோ, அவர்தான் தோல்வியடைபவராக இருக்கிறார். சந்தையானது எப்போதுமே நிலையில்லாமல் நகரக் கூடியது. வெற்றியாளர்கள் மட்டுமே இந்த அசாதாரண மாற்றங்களை, தங்களின் அனுபவம் மற்றும் ஆராய்ச்சியினால் கண்டறிந்து அதற்குத் தக்கவாறு வியூகங்களை அமைத்துக் கொள்கிறார்கள்.

விதி 3: “ஷார்ட்‘டும் போகணும்; “லாங்”கும் போகணும்

காளையின் சந்தை ஒரு நூல் பிடித்தாற்போல மெதுவாக ஏறுவதனால், உங்களின் போர்ட்ஃபோலியோவின் ஒரு பகுதியை குறிப்பிட்ட சில இடங்களிலே வாங்க முடியும். சந்தையானது மேலே செல்லச்செல்ல மேலும், மேலும் பொசிஷனை கூட்டிக் கொண்டே செல்லலாம். சந்தையின் உச்சத்தில் வெளியே வரத் தீர்மானிக்கும்போது, அனைத்தையுமே ஒரே சமத்தில் விற்று விட்டு வெளியே வரவேண்டும்.

ஏனெனில், உச்சத்திலிருக்கும் சந்தையானது, அங்கேயே நீண்ட நேரமிருப்பதில்லை. அதனால்தான், நீங்கள் ஒரே சமயத்தில் விற்றுவிட்டு வெளியே வரவேண்டும். சடாரென்று கீழே விழும் சந்தை கையிலிருப்பதை விற்கவோ அல்லது புதிதாக ஷார்ட் போகவோ  வாய்ப்புகளை அளிப்பதில்லை.

4. கும்பலோடு செல்லாதீர்கள். முக்கால்வாசி நேரங்களில் அவர்களின் முடிவு தவறாகவே இருக்கின்றன.

பொதுஜனம் சில சமயங்களில் வேண்டுமானால் சரியாக இருக்கலாம்; அவர்கள் சந்தையின் நிபுணர்களைக் கூட முடக்கலாம். இது போன்ற சமயங்களில்தான் “ஓவர் சோல்ட் புல்ஸ்- Oversold Bulls” என்று சொல்வார்கள்.

பொதுவாக, பொது ஜனம்தான் மார்க்கெட்டிலே தங்களது பர்ஸைத் தொலைப்பவர்களாக இருக்கிறார்கள். அதனால், சில சமயங்களில் பொது ஜனம் ஜெயிப்பதையே கண்டு நாமும் அவர்களுடன் செல்லக்கூடாது. என்னைக் கேட்டால், என்னுடைய பணம் எப்போதும் நிபுணர்களெடுக்கும் முடிவுகளின் (டிரேடுகளின்) பக்கமாகத்தான் இருக்கும்.

பாபு  கோதண்டராமனின் ஒரு இடைச் செருகல்:

வழி மேல் விழி வைத்து

அடி மேல் அடி வைத்து,

இனி JK கூறப்போகும்

விதிகளைப் பின்பற்றி

நம் மேல் நம்பிக்கை வைத்து

வெற்றியாளராக மாறுவோம்!

வெற்றி நம் கையில்!

-தொடரும்

அடுத்த வாரம் மேலும் உள்ள சில விதிகளைப் பற்றிப் பார்ப்போம்.

வணிகத்தின் விதிமுறைகள் (Trading Rules) – அத்தியாயம் 1

ஆங்கிலத்தில்: JK

தமிழாக்கம்: அடியேன்தான்

ஒரு டிரேட் செய்கிறோமென்றால், அதிலே மூன்று விதமான செயல்பாடுகள் உள்ளடங்கியுள்ளன எனலாம். அவையாவன,

1.       டிரேட் பற்றி முடிவெடுப்பது (Decision Making)

2.       அதனைச் செயல்படுத்துதல் (Execution)

3.       பிறகு அதனைச் செம்மையாக வழி நடத்தி மேலாண்மை செய்தல் (Trade Management)

இவ்வாறு ஒவ்வொரு டிரேடும் இம்மூவகையானச் செயல்பாடுகளின் வரிசைக்கிரமப்படியே நடந்தாலும், பணம் சம்பாதித்துக் கொடுப்பதென்னவோ மூன்றாவதான “வழி நடத்தி மேலாண்மை செய்வது (Trade Management)” மட்டுமே.

1. முடிவெடுத்தல்

அனேக முதலீட்டாளர்கள் ஒரு டிரேட் (வாங்கவோ அல்லது விற்கவோ) எவ்வாறு முடிவெடுக்கிறார்கள்? ஃபன்டமண்ட்டல் அனாலிசஸோ  அல்லது டெக்னிக்கல் அனாலிசஸோ கற்றுக்கொண்டு, அந்த ஆராய்ச்சிகளின் மூலம் ஒரு டிரேடில், “லாங்கோ” அல்லது “ஷார்ட்டோ” போகலாம் என்று முடிவெடுப்பார்கள்.

சற்று யோசித்துப் பாருங்கள்! இந்த ஆராய்ச்சிகளைக் கற்றுக் கொள்ளும் காலமும் அதிகமாகும்; கற்றுக் கொள்ளும் முறைபாடுகளும் (வரைபட மென்பொருள், எக்ஸ்சேஞ்ச் விலை விபரம் பெறுவது (data), பேலன்ஸ் ஷீட், பிராஃபிட்&லாஸ் அக்கௌண்ட் போன்ற விபரங்கள்) கொஞ்சம் சிரமமாகத்தானிருக்கும். அதனால்தான், இந்த ஆராய்ச்சி வகைகளில் நிபுணத்துவம் பெற பல்லாண்டு காலமாகலாம். ஒரு டிரேடில் உள்ளடங்கியுள்ள இந்த முதல் வகைச் செயல்பாடு, பணம் ஈட்டித் தருவதற்கில்லை.

2. செயல்படுத்துதல் (Execution)

ஒரு டிரேடின் இரண்டாவதாக அமையும் இப்பகுதி, ஒரு மாதத்திற்குள்ளேயே கற்றுக்கொள்ளும்படியாகத்தான் இருக்கிறது. இந்தப் பகுதியும் பணம் சம்பாதித்துக் கொடுப்பதற்கில்லை. அதி முக்கியமாக டிரேடில் ஏற்படும் இழப்புகளைக் குறைத்துக் கொள்ள உதவுகிறது. எப்படியெனில், லாங்-கோ அல்லது ஷார்ட்-டோ நாம் நினைத்த விலையில் (ஸிலிப்பேஜ் -slippage எதுவுமில்லாமல்) அந்த டிரேடினை முடித்து விட வேண்டும். (லாங் அல்லது ஷார்ட் என்று) ஒரு டிரேட் எடுக்க வேண்டும் என முடிவெடுத்து விட்டால், அதனைச் செயல்படுத்த எண்ணற்ற வழிமுறைகள் உள்ளன.

3. கையிலிருக்கும் டிரேடை வழி நடத்தி மேம்படுத்துதல் (மானேஜ்மெண்ட் ஆஃப் பொசிஷன் – Management of Position)

டிரேடின் மூன்றாவதான இந்தப் பகுதி மட்டுமே, பணம் சம்பாதித்துக் கொடுப்பது,. இதில் விசேஷம் என்னவென்றால், இதைத்தான் சுலபமாகக் கற்றுக் கொள்ள முடியும். ஒரு டிரேடின் வெற்றி, தோல்வியை நிர்ணயிக்கும் இந்த அதி முக்கியமான பகுதியில்தான், வெற்றியாளர்கள் நன்கு செயல்பட்டு ஜாம்பவான்களாகத் திகழ்கிறார்கள்.

அடுத்த முறை நீங்கள் ஒரு டிரேட் எடுக்க முற்பட்டால், ஃபன்டமண்ட்டல் அனாலிசஸ் அல்லது டெக்னிக்கல் அனாலிசஸ் அல்லது இரண்டும் கலந்த கலவை டெக்னோ-ஃபண்டா மூலமாகவோ என்ன செய்ய வேண்டுமென்று முடிவெடுங்கள்; அந்த டிரேடை செயல்படுத்துங்கள்; கடைசியாக, “பணம் பண்ண வேண்டும்” என்ற ஒரு உத்வேகத்துடன் களமிறங்கி, உங்களது டிரேடை கவனமாக வழி நடத்துங்கள்.

பி.கு: நீங்கள் ஒரு டிரேட் எடுக்க வேண்டுமென்று ஆரம்பிப்பது, செல்வத்தின் வாயிலில் இருப்பதல்ல; அந்த வாயிலைச் சென்றடைவதற்கான வழியின் ஆரம்பத்தில்தான் அடியெடுத்து வைக்கிறீர்களென்று கவனத்தில் வைக்கவும். (வாசல் வேறு: வாசலுக்குச் சென்றடையும் வழியின் ஆரம்பம் வேறு)

பாபு  கோதண்டராமனின் ஒரு இடைச் செருகல்:

வழி மேல் விழி வைத்து

அடி மேல் அடி வைத்து,

இனி JK கூறப்போகும்

விதிகளைப் பின்பற்றி

நம் மேல் நம்பிக்கை வைத்து

வெற்றியாளராக மாறுவோம்!

வெற்றி நம் கையில்!

-தொடரும்

அடுத்த இதழில்: 

மேலே சொன்ன ஒவ்வொரு வகைக்கும் எந்தெந்த மாதிரியான வழி(விதி)முறைகளைப் பின்பற்ற வேண்டுமென்று பார்ப்போம்.